Сёння Дабравешчанне Найсвяцейшай Багародзіцы

Дабравешчанне Найсвяцейшай Багародзіцы — адно з 12 галоўных святаў у праваслаўным календары. Дабравешчанне азначае “добрая  вестка”. У гэты дзень Дзеве Марыі з’явіўся архангел Гаўрыіл і ўзвясціў ёй аб будучым нараджэнні Ісуса Хрыста — сына Божага і выратавальніка свету.

Да 14 гадоў Найсвяцейшая Дзева выхоўвалася ў храме, а затым, па законе, павінна была пакінуць храм, як любая, што дажыла да паўналецця, і альбо вяртацца да бацькоў, альбо выйсці замуж. Святары хацелі выдаць яе замуж, але Марыя абвясціла ім пра сваё абяцанне Богу — застацца назаўжды Дзевай. Тады святары заручылі яе далёкаму сваяку, васьмідзесяцігадоваму старцу Іосіфу, каб ён клапаціўся пра яе і ахоўваў яе дзявоцтва. Жывучы ў галілейскім горадзе Назарэце, у доме Іосіфа, Найсвяцейшая Дзева Марыя вяла такое ​​ж сціплае і адасобленае жыццё, як і пры храме.

Праз чатыры месяцы пасля заручын, Анёл з’явіўся Марыі, калі яна чытала Святое пісанне і, увайшоўшы да яе, сказаў: “радуйся, Дабрадатная! Гасподзь з Табою; благаславёная Ты сярод жанчын”. Арханёл Гаўрыіл абвясціў ёй, што яна здабыла найвялікшую мілату ў Бога — быць маці сына Божага. Марыя ў здзіўленні спытала, як можа нарадзіцца сын у той, якая не ведае мужа. І тады Архангел адкрыў ёй ісціну, якую ён прынёс ад Бога: “Дух Святы сыдзе на цябе, і сіла Усявышняга ахіне цябе; таму і народжанае Святое назавецца Сынам Божым”. Спасцігшы волю Божую і цалкам аддаючы сябе ёй, Найсвяцейшая Дзева адказвала: “Я — раба Гасподняя; няхай будзе Мне па слову твайму.”.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
07.04.2021 Каляндар| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты