Святар: «Калі чалавек не можа заплаціць за абрад, ён павінен атрымаць яго дарам»

священник

Чаму Царква за ўсё бярэ грошы? — гэтым пытаннем задаюцца шматлікія вернікі, у тым ліку, практыкуючыя і вельмі пабожныя.

Пра абгрунтаванасць прымусовых ахвяраванняў разважае ключар барысаўскага Уваскрасенскага сабора іерэй Ігар Васько.

Галоўная прычыны вялікага прайса, тлумачыць святар, — неабходнасць сплочваць заробак супрацоўнікам і аплочваць камунальныя паслугі: «У Уваскрасенскім саборы працуе больш за 20 чалавек. Але адкуль прыходу браць сродкі на іх утрыманне? Дзяржава ў нас аддзеленая ад Царквы, таму яна не бярэ на сябе непасрэднае ўтрыманне храмаў і аплату працы святароў».

У якасці больш разумнага падыходу да справы святар прыводзіць царкоўны падатак у Германіі: дабраахвотна паведаміўшы пра прыналежнасць да той ці іншай рэлігійнай супольнасці, грамадзянін плаціць падатак разам з іншымі падаткамі.

Людзям, у якіх няма грошаў (альбо жадання іх траціць) на свечы і запіскі, святар прапаноўвае ашчаджаць і абыходзіцца ўласнай малітвай. Іншая справа — абрады: хрост, вянчанне, адпяванне.

«Афіцыйная пазіцыя Царквы палягае ў тым, што ўсе гэтыя і іншыя таямніцы павінныя здзяйсняцца за ахвяраванні, і, калі людзі не маюць магчымасці заплаціць, яны павінныя дзяйсняцца дарам. Напэўна, ёсць злоўжыванні ў асобных храмах, але я не магу сабе ўявіць, каб тыя святары, якіх я добра ведаю, адмовілі некаму з-за грошаў. Я сам шмат разоў і хрысціў, і хаваў, і вянчаў дарам», — запэўнівае святар.

Цалкам прачытаць артыкул можна тут.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
10.07.2021 Цікава ведаць| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты