У Гудагаі адбудуцца ўрачыстасці ў гонар Маці Божай Шкаплернай (+праграма)

17–18 ліпеня ў Гудагаі адбудуцца штогадовыя парафіяльныя адпустовыя ўрачыстасці ў гонар Маці Божай Шкаплернай.

Разам са святым Юзафам, “прачыстым апекуном Панны”, мы прагнем у чарговы раз прамовіць падчас гудагайскіх урачыстасцяў словы “Вітай, Марыя…”.

Парафіяльны фэст – нагода падзякаваць Богу за Ягоныя дары, а таксама прасіць аб патрэбных ласках. Сярод шматлікіх інтэнцый сёлетняга фэсту – малітва праслаўлення за 30 гадоў служэння ў Гродзенскай дыяцэзіі біскупа Аляксандра Кашкевіча, 40 гадоў святарскага служэння арцыбіскупа Тадэвуша Кандрусевіча і 100-годдзя заснавання Кангрэгацыі сясцёр кармэлітак Дзіцятка Езуса.

Праграма ўрачыстасцяў:

Субота, 17 ліпеня:

18.00 — святая Імша і заканчэнне навэнны;
20.30 — Крыжовы шлях на Кальварыі.

Нядзеля, 18 ліпеня:

23.15 — прэзентацыя сясцёр кармэлітак Дзіцятка Езус;
00.00 — працэсія са свечкамі. Святая Імша, чуванне і адарацыя Найсвяцейшага Сакраманту.

08.30 — Гадзінкі да Найсвяцейшай Панны Марыі;
10.00 — святая Імша на польскай мове;
12.00 — урачыстая адпустовая святая Імша

Арганізацыйныя заўвагі:

Славуты ласкамі абраз Маці Божай Гудагайскай, як і ў мінулыя гады, будзе выстаўлены для асабістай малітвы вернікаў.

У сувязі са складанай эпідэміялагічнай сітуацыяй усе набажэнствы будуць праходзіць на адкрытым паветры з захаваннем санітарных мер перасцярогі. Арганізатары просяць удзельнікаў памятаць пра неабходнасць захоўваць сацыяльную дыстанцыю і рэкамендуюць выкарыстоўваць маскі.

Касцёл будзе адчынены для індывідуальнай малітвы. Пры ўваходзе будуць усталяваны дазатары з антысептыкам.

Па прычыне пандэміі мясцовыя жыхары маюць абмежаваныя магчымасці прымаць людзей на начлег. Тыя, хто пілігрымуе ў Гудагай у індывідуальным парадку, змогуць паставіць палаткі на тэрыторыі каля плябаніі.

Да вернікаў, якія жадаюць падчас урачыстасцяў прыняць святую Камунію, просьба загадзя прыступіць да споведзі ў сваіх парафіях.

Просьба да жадаючых загадзя падрыхтаваць інтэнцыі на святыя Імшы, а таксама малітоўныя падзякі і просьбы, якія можна будзе пакінуць у касцёле або ў палатцы на прыкасцёльнай тэрыторыі.

Усе, хто не будзе фізічна ўдзельнічаць ва ўрачыстасцях у Гудагаі, запрашаюцца духоўна далучыцца да святкавання і малітвы ва ўсіх інтэнцыях, якія носім у сэрцы, у тым ліку аб спыненні пандэміі каранавірусу. Аддаёмся абароне Найсвяцейшай Панны Марыі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі