Крадзеж на будоўлі касцёла святога Ігнацыя ў Віцебску

Курыя Віцебскай дыяцэзіі паведамляе, што ў ноч з 29 на 30 ліпеня адбыўся факт крадзяжу на будоўлі касцёла святога Ігнацыя Лаёлы ў Віцебску.

Невядомыя асобы праніклі ў будынак касцёла, паабразалі і скралі правады электраправодкі і акустычнай сістэмы, наносячы тым самым вялікую матэрыяльную шкоду.

Каб направіць учыненую шкоду, магчыма будзе неабходным ізноў пракладаць электраправодку і правады акустычнай сістэмы касцёла.

Яшчэ больш засмучае, што факт крадзяжу адбыўся ў ноч перад афіцыйным днём завяршэння будаўнічых работ, які быў прызначаны на 31 ліпеня — літургічны ўспамін святога Ігнацыя Лаёлы. Генеральным падрадчыкам будоўлі касцёла з’яўляецца ТАА “Проф НК”.

У дадзены момант на будоўлі працуе група Следчага камітэту.

Курыя Віцебскай дыяцэзіі

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі