Царква «Новае жыццё» правяла два хрысціянскіх лагера

Церковь Новая Жизнь

У мінскай царкве «Новае жыцьцё» працягваецца сезон хрысціянскіх летніх лагераў. Нядаўна завяршыліся лагеры «Pl Teens» і «Вялікая дамашка».
На падлеткавы кэмп «Pl Teens» прыехалі 100 чалавек — 70 удзельнікаў і 30 супрацоўнікаў.
«Ідэя лагера была ў тым, што кожная каманда на працягу лагера збірае свой ровар, і да канца змены яны спаборнічаюць на іх у велагонцы. Атрымаўся выдатны лагер з лепшай камандай і ўдзельнікамі. Назіраючы за працэсам лагера, я рады, што ёсць тыя, хто служыць і рады таму, што падлеткі, якія прыехалі ў лагер, маюць вялікую, правільную будучыню», — распавядае дырэктар лагера Майсей Кміт.
«Мэта лагера была сапраўды такая ж, як і ў мінулым годзе, — дапамагчы падлеткам не здавацца ў сваім рашэнні ісці за Ісусам. І прыняць гэтае рашэнне на ўсё жыццё. Мы на прыкладах разбіралі, што для таго, каб быць хрысціянінам, трэба мець поўную духоўную зброю. Кожны дзень мы ўручалі падлеткам дэталі з яго і тлумачылі, што наперадзе іх чакае вялікі забег. І трэба не толькі чытаць Біблію, маліцца, але ў комплексе жыць хрысціянскай жыццём», — дадае каардынатар лагера Лера Палівенак.
Дзевяць чалавек падчас лагера прайшлі праз воднае хрышчэнне, паведамляе сайт царквы.
Лагер «Вялікая дамашка» сабраў моладзь ад 17 гадоў. 50 удзельнікаў і 30 служыцеляў правялі разам тры дні.
«Нашай галоўнай мэтай было адарвацца ад гарадской мітусні, каб зразумець, як жыць, успомніць, хто ты ёсць, і зрабіць тое, на што ў цябе ніколі не хапае часу», — распавядае дырэктар лагера Данііл Антончыкаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі