У межах праваслаўнага пленэра ў Івянцы пройдзе конкурс дзіцячых малюнкаў. 1 верасня пачнецца анлайн-адбор

в рамках плэнера

У Івянцы 4 верасня ў шосты раз пройдзе Міжнародны мастацкі пленэр «Святасць зямлі Беларускай».

Ён будзе прысвечаны памяці мітрапаліта Філарэта (Вахрамеева) і Году народнага адзінства.

Арганізатары праекта — БПЦ, міністэрства культуры, Саюз мастакоў, Беларускі саюз жанчын, Саюз журналістаў, паведамляюць  епархіяльныя сайты.

У часе правядзення пленэра плануецца шэраг мерапрыемстваў, сярод якіх — конкурс дзіцячых малюнкаў «Святость земли Белорусской». Да ўдзела ў конкурсе запрашаюцца вучні нядзельных і агульнаадукацыйных школ узростам ад 7 да 18 год.

Тэма конкурсных прац – «Гісторыя і сучаснасць Праваслаўнай царквы ў Беларусі». Вітаюцца пейзажныя выявы храмаў, мясцовых помнікаў, малюнкі царкоўнага ўбрання, замалёўкі з царкоўнага жыцця.

Працы ўдзельнікаў прымаюцца да разгляду прафесійным журы з 1 па 15 верасня 2021 года (уключна) па электроннай пошце ў форме фотакопій малюнкаў на адрас svyatasts@yandex.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі