Агульнабеларуская ўрачыстасць пройдзе ў Бялынічах у гонар 260-годдзя каранацыі цудадзейнага абраза

17–18 верасня ў Бялынічах на Магілёўшчыне пройдуць агульнабеларускія ўрачыстасці ў гонар 260-й гадавіны каранацыі папскімі каронамі цудадзейнага абраза Маці Божай Бялыніцкай, што адбылася 20 верасня 1761 года.

Пробашч парафіі ў Бялынічах кс. Юзаф Сярпейка з копіяй абраза Маці Божай Бялыніцкай. Фота Віктара Ведзеня.

 

17–18 верасня ў Бялынічах на Магілёўшчыне пройдуць агульнабеларускія ўрачыстасці ў гонар 260-й гадавіны каранацыі папскімі каронамі цудадзейнага абраза Маці Божай Бялыніцкай, што адбылася 20 верасня 1761 года.

Рашэнне аб агульнанацыянальным святкаванні фэсту ў гонар Каралевы Беларусі было прынята ў красавіку на 79-м пленарным пасяджэння ККББ. Плануецца, што сёлетні фэст у Бялынічах адбудзецца з удзелам усяго беларускага епіскапату як выраз падзякі Богу за 30 гадоў з моманту аднаўлення касцёльных структур у Беларусі.

Ад імя духавенства, кансэкраваных асоб і вернікаў Магілёўшчыны Біскупскі вікарый для горада Магілёва і Магілёўскай вобласці біскуп Аляксандр Яшэўскі SDB запрашае святароў, кансэкраваных асоб, вернікаў і ўсіх ахвотных узяць удзел ва ўрачыстасцях у Бялынічах, якія пройдуць пад дэвізам «Каралева Беларусі, маліся за нас».

У першы дзень фэсту ў праграме прадугледжана тэматычная канферэнцыя, якая пройдзе ў малой зале Раённага цэнтра культуры.

Праграма ўрачыстасцяў

     17 верасня, пятніца

14.00 – канферэнцыя ў Раённым цэнтры культуры (Бялынічы, вул. Савецкая, 20)

Даклады:

    «Адраджэнне іерархічных структур Каталіцкага Касцёла на Беларусі» — арцыбіскуп Тадэвуш Кандрусевіч

    «Марыйны культ у Беларусі» — ксёндз доктар Уладзімір Гуляй (Ліда)

«Дзейнасць ордэна кармелітаў босых у Бялынічах» — айцец Юрый Кулай OCD

«Культ Маці Божай Бялыніцкай і каранацыя абраза» — прафесар Зміцер Яцкевіч

16.00 – перапынак на каву

16.30 – канцэрт харавых калектываў

18.00 – святая Імша (у капліцы, вул. Калініна, 37)

    18 верасня, субота

10.00 – гістарычная экскурсія для ахвотных «Бялынічы пасярод Усходу і Захаду»

12.00 – галоўная адпустовая святая Імша (на палявым алтары на месцы даўніх каталіцкіх могілак на скрыжаванні вуліц Ленінскай і Мічурына)

Catholic.by

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
04.09.2021 Абвесткі, Беларусь| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты