Праваслаўны святар і публіцыст Георгій Рой адкрыў запіс на свой адукацыйны анлайн-курс

Праваслаўны святар, блогер, перакладчык протаеіерэй Георгій Рой, настаяцель храма Іаана Кармянскага ў Квасоўцы ў Гродзенскім раёне, адкрыў запіс на свой аўтарскі анлайн-курс.

242107642_391646479027628_7848789080940424843_n

«Вывучаючы богаслужбу, мы вывучаем сваю хрысціянскаю самасвядомасць», — упэўнены святар. За плячыма Айца Георгія – 16-гадовы выкладчыцкі вопыт. Протаіерэй Георгій Рой выкладаў курс гістарычнай літургікі ў МінДА і МінДС, курс «Літургіка для свецкіх» у Гродзенскай свецкай багаслоўскай калегіі імя прапачэснага Лявонція Віленскага.

Протаіерэй Георгій Рой — аўтар навуковых каментароў да літургічных тэкстаў і навукова-гістарычнай манаграфіі пра падзеі рэлігійнага жыцця Гродзеншчыны, перакладчык богаслужбовых тэкстаў на беларускую мову.

«Калі ўсё атрымаецца, як задумваецца, спадзяюся, што атрымаецца якасны і зручны адукацыйны праект. Пасля можна будзе запрашаць да супрацоўніцтва выдатных спецыялістаў з розных галін багаслоўя», — упэўнены святар.

Зарэгістравацца на курс можна да 1 кастрычніка тут.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі