Вернікі правялі міжцаркоўную малітву за Беларусь

Верующие провели межцерковную

У Мінску 3 кастрычніка на паркоўцы каля будынка, адабранага ў вернікаў царквы «Новае Жыццё», адбылося набажэнства, якое аб’яднала вернікаў з розных цэркваў у малітве за Беларусь.

Словам натхнення дзяліліся служыцелі цэркваў. Яны маліліся аб тым, каб Бог прыйшоў і ўмяшаўся ў нашу гісторыю, каб голас Царквы быў чутны ў Беларусі.

Служыцель Дзяніс Правазораў казаў пра важнасць тых, што робяць падчас «жніва», пра ўздым служыцеляў, якія пойдуць ва ўсе куткі нашай краіны і будуць несці жывое Евангелле, паведамляе сайт царквы «Новае Жыццё».

Пастар Генадзь Ахрымовіч нагадаў словы з Бібліі: «І пры тым мы маем самае пэўнае прарочае слова; і вы добра робіце, што звяртаецеся да яго, як да светача, які ззяе ў цёмным месцы, пакуль не пачынае брацца на дзень і ня ўзыдзе ранішняя зорка ў сэрцах вашых».

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі