Протаіерэй Сяргій Лепін: «Тыкаць пальцам у зло можа кожны, але гэта адзінае з таго, што можа рабіць кожны»

Праваслаўны святар протаіерэй Сергій Лепін разважае ў сваім акаўнце ў фэйсбуку над урыўкам з Евангелля, дзе Ісус, навучаючы ў Капернауме, чуе ў адну з субот ад чалавека, які меў нячыстага духа дэмана : «Пакінь, што Табе да нас, Ісусе Назаранін? Ты прыйшоў загубіць нас».

«Вось гэта крычыць бес і яго словы — яны вельмі нагадваюць інтанацыю некаторых цяперашніх каментатараў пад навінамі са згадваннем пра Царкву: «А што вы да нас лезеце? У нас свецкая дзяржава!», «А ў нас іншая рэлігія!», «Вас паслаў Пуцін загубіць нас!», «Мы ўсё пра вас ведаем, якія вы, святошы!». Але на гэтым мае асацыяцыі і паралелі не сканчваюцца. Часцяком нам на самой справе ёсць справа да ўсяго на свеце, але толькі не да дэманаў — не да зла, у якім ляжыць свет. Мы — страусы, якія прапаведуюць для страусаў гульню ў «незаўважалкі»: галоўнае — не заўважаць гэтых дэманаў, бо калі заўважыў, то адразу прайграў: засоўваць галаву ў пясок і падстаўляць зад ўжо позна, трэба будзе неяк рэагаваць», — разважае святар.

«Растлумачу на вядомым прыкладзе. Для таго, каб заўважыць  сучок у воку свайго бліжняга, не трэба быць афтальмолагам. Але для таго, каб найбольш бяспечным чынам выцягнуць яго — такі трэба. Інакш бліжні можа застацца не толькі без вока, але і без галавы», — даводзіць сваю думку а. Сергій.

«Проста закідваць зло ядзернымі бомбамі – як ігнор і «шчаслівае няведанне» – таксама не такое ўжо і дабро. Як кажуць афтальмолагі, чаканы тэрапеўтычны эфект павінен быць суразмераны меркаваным рызыкам. Тыкаць пальцам у зло можа кожны, але гэта адзінае з таго, што можа рабіць кожны», — рэзюмуе святар.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
12.10.2021 Меркаванне| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты