Полацкі манастыр выпусціў каляндар з фрэскамі на 2022 год

Полоцкий монастырь

У выдавецтве Полацкага Спаса-Еўфрасіннеўскага стаўрапігіяльнага жаночага манастыра выйшаў «Праваслаўны каляндар» на 2022 год з фатаграфіямі фрэскавага роспісу храма Перамянення манастыра.

Цяпер гэтыя ўнікальныя фрэскі XII стагоддзя рэстаўруюць спецыялісты з Беларусі і Расіі.

Храм Перамянення быў распісаны каля 1161 года на замову прапачэснай Еўфрасінні Полацкай. Пры даследаванні роспісу храма становіцца відавочнай наяўнасць тонка прадуманай, па-багаслоўску глыбокай агульнай задумы, за якой угадваецца асоба прапачэснай.

Нягледзячы на тое, што храм распісаны ў візантыйскім стылі, тэматыка роспісу характэрная для Старажытнай Русі. Майстры пісалі натуральнымі фарбамі па сырой тынкоўцы, што забяспечыла высокую захаванасць роспісу, расказвае манастырскі  сайт.

Каляндар выдадзены ў настольным фармаце «хатка» (21×15 см). Яго можна набыць у царкоўнай краме на тэрыторыі манастыра.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
12.11.2021 Без рубрики| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты