«Беларусь чакае Раство». Унікальны адвэнт-каляндар ужо ў продажы

Каляндар зрабілі сямейным і напоўнілі новымі, прадуманымі спецыяльна для беларусаў і для нашага часу заданнямі.

Ужо 28 лістапада католікі пачнуць перажываць Адвэнт – час радаснага чакання Божага Нараджэння, прыйсця Збаўцы. У продажы ўжо з’явіўся унікальны сямейны адвэнт-каляндар «Беларусь чакае Раство».

— Ён новы і па форме, і па змесце. Ніхто ў Беларусі раней нічога падобнага не рабіў. У гэтым годзе мы імкнуліся зрабіць адвэнт-каляндар у лепшых класічных традыцыях – у выглядзе доміка і з вакенцамі, якія адчыняюцца, — распавядаюць стваральнікі календара. – Пад вакенцамі вы знойдзеце 25 заданняў на кожны дзень Адвэнта — пра Раство, Беларусь і сэрца. Мы зрабілі яго сямейным і напоўнілі новымі, прадуманымі спецыяльна для беларусаў і для нашага часу заданнямі. Сутнасць адвэнт-календара ў тым, каб кожны дзень адчыняць вакенца і выконваць заданне. Наш сямейны адвэнт-каляндар мы стваралі, каб вы маглі разам усёй сям’ёй падрыхтаваць свой дом і свае сэрцы да Раства.

Таксама адзначаецца, што адвэнт-каляндар пасуе і для тых, хто святкуе Божае Нараджэнне 7 студзеня — у гэтым выпадку пачаць каляндар трэба 14 снежня. Адвэнт-каляндар «Беларусь чакае Раство» можна праходзіць і пары без дзяцей і нават самастойна. На задняй вокладцы календара размешчана інструкцыя, якая дапаможа і накіруе. Да інструкцыі прыкладзены план чытання Бібліі на Адвэнт. Каляндар стварыла Вольга Севярынец, ілюстратар – Кацярына Раюнец.

Каштуе адвэнт-каляндар усяго 14 рублёў — замовіць яго можна па спасылцы.

Кatolik.life

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
15.11.2021 Абвесткі, Беларусь| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты