Царква «Новае Жыццё» дзевяць месяцаў моліцца на вуліцы

Церковь Ноавя жизнь

Мінская царква «Новае Жыццё» 21 лістапала сабралася на чарговую богаслужбу на паркоўцы. Ад часу прымусовага высялення вернікаў з іх памяшкання супольнасць не прапусціла ніводнай нядзельнай богаслужбы.

«Задумайся, што Бог робіць зараз у тваім жыцці? Што Ён здзяйсняе ў краіне? Бывае, нешта здараецца ў жыцці, і ты не можаш знайсці гэтаму тлумачэнняў. Можа, гэта адбылося дзеля таго, каб з’явіліся справы Божыя? Каб пасярод цемры дзейнічаў Бог?», — разважаў у нядзельнай пропаведзі пастар Вячаслаў Ганчарэнка, паведамляе сайт царквы.

«Бог жадае вярнуць табе страчанае і згубленае. І Ён зробіць так, бо з гэтым ёсць Божая справядлівасць – паставіць усё на свае месцы. Усё згубленае будзе вернута сямікроць! Бог верне тое, што было палоненае і скрадзенае. Усё, што сталася згубай для твайго жыцця, Бог верне. Твой лёс занадта вялікі, твая будучыня занадта яркая, каб дазволіць камусьці ці чамусьці спыніць гэта. Твой лёс у Божых вачах прыўкрасны. І Бог мае цудоўную будучыню для Беларусі. Таму «Новае Жыццё» стаіць на вуліцы на паркоўцы і моліцца за краіну», — падкрэсліў духоўны лідар.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі