Заданні — у Instagram. Манахіня прапануе незвычайна правесці Адвэнт

Сястра Таццяна запрашае разам паспрабаваць запаліць агонь дабра.

У перыяд Адвэнту — часу радаснага чакання нараджэння Езуса Хрыста, што католікі пачнуць перажываць з 28 лістапада — беларуская манашка прапануе прытрымлівацца яе плана.

«Набліжаецца час Калядаў. З чым асацыіруецца ў вас гэтае свята? Асабіста ў мяне з неспадзеўкамі, падарункамі і дабром. Давайце сёлета паспрабуем запаліць агонь дабра, і будзем глядзець, як ён будзе гарэць і распаўсюджвацца. Прапаную разам падрыхтаваць сваё сэрца да прышэсця Езуса, выконваючы разам заданні, якія будуць заснаваныя на любові і добрых справах», — напісала сястра Таццяна Гмыза.

Заданні будуць размешчаны на старонцы манашкі ў Instagram. Яе акаўнт у гэтай сацсетцы — @sister_tatsiana.

Нагадаем, сястра Таццяна актыўна праводзіць евангелізацыю ў інтэрнэце. Раней яна пачала весці стрымы ў Instagram — манашка ладзіць эфіры на тэму асноў хрысціянскай веры.

Katolik.life

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі