У Гродне адкрыўся праваслаўны спартыўны клуб

В Гродно открылся

У Гродне пры храме абраза Маці Божай «Спагнанне загінулых» 29 лістапада адбылося адкрыццё праваслаўнага спартыўнага клуба ў гонар Давіда Гарадзенскага.

З прывітальным словам выступіў адказны за духоўна-маральнае апякунства выхаванцаў клуба іерэй Георгій Скорб. Пасля набажэнства на пачатак усялякай добрай справы слова было нададзенае галоўнаму трэнеру клуба — заслужанаму трэнеру, прафесіяналу сваёй справы Альфіту Хакаву, які расказаў падрабязнасці пра тое, як будуць адбывацца заняткі, чаму навучацца дзеці, распавядае  сайт епархіі.

«Спорт успрымаецца шмат кім як частка гэтага свету, што тоне ў імгле грэху. Між тым, Царква вучыць нас не толькі ўтаймоўваць сваё цела, але і клапаціцца пра яго. Спорт выхоўвае ў чалавеку цярпенне, развівае ўпартасць, а менавіта цярпенне і ўпартасць у дасягненні мэты неабходныя чалавеку ў самай галоўнай барацьбе яго жыцця — барацьбе духоўнай», — кажа адзін са стваральнікаў клуба Яўген Кулак.

У клубе будуць праходзіць заняткі па пачаткам самаабароны, рукапашнаму бою, фізічнай падрыхтоўцы, выжыванню ў лесе, скалалазанню, а таксама духоўна-маральныя гутаркі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
30.11.2021 Беларусь| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты