Прызначаны новы Генеральны вікарый Гродзенскай дыяцэзіі

7 снежня біскуп Гродзенскі Аляксандр Кашкевіч прызначыў ксяндза канонікa Аляксандра Мацкевіча генеральным вікарыем Гродзенскай дыяцэзіі.

Фота Паўла Леановіча

Як паведаміла Прэс-служба Гродзенскай дыяцэзіі, рашэнне аб намінацыі было аб’яўлена падчас сустрэчы Рады святароў, якая прайшла ў гэты дзень у дыяцэзіяльнай курыі ў Гродне.

Ксёндз Аляксандр Мацкевіч нарадзіўся 27 верасня 1977 г. Паходзіць з гродзенскай катэдральнай парафіі святога Францішка Ксавэрыя.

Прэзбітэрскае пасвячэнне атрымаў 10 лістапада 2001 года. У 2002–2010 гадах вывучаў біблійную тэалогію ў Папскім Грыгарыянскім універсітэце.

Мае доктарскую ступень. Выкладае Святое Пісанне ў Вышэйшай духоўнай семінарыі ў Гродне i Тэалагічным каледжы святога Казіміра.

25 верасня 2017 года быў прызначаны канцлерам Гродзенскай курыі.

Catholic.by

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі