30 гадоў таму распаўся СССР — здзейснілася абяцанне Панны Марыі

Католікі 8 снежня адзначаюць Урачыстасць Беззаганнага Зачацця Найсвяцейшай Панны Марыі — як гэта звязана з развалам Савецкага Саюза.

8 снежня адзначаецца 30-годдзе спынення існавання камуністычнай дзяржавы Саюза Савецкіх Сацыялістычных Рэспублік. У гэты дзень у 1991 годзе на тэрыторыі Беларускай ССР падпісалі Белавежскія пагадненні кіраўнікі трох рэспублік: Беларусі, Украіны і Расіі. Такім чынам было спынена існаванне СССР і ўсяго таталітарнага атэістычнага рэжыму, пад уладай якога многія рэспублікі знаходзіліся больш за 70 гадоў.

За гэты час былі забіты і кінуты за краты мільёны хрысціян, якія не адмовіліся ад сваёй веры. Дзесяткі гадоў былі зачыненыя цэрквы, шматлікія храмы былі падарваныя, вырасла некалькі пакаленняў, выхаваных на атэізме, што прывяло да дэградацыі і дэмаралізацыі грамадства. Характэрна, што датай распаду Савецкага Саюза лічыцца менавіта 8 снежня, калі католікі адзначаюць важную ўрачыстасць — Беззаганнага Зачацця Найсвяцейшай Панны Марыі.

У трагічным для Расіі і Беларусі і іншых краін, якія ўваходзілі ў яе склад,  1917 годзе падчас сваёй аб’явы ў Фаціме Дзева Марыя прадказала адну з галоўных гістарычных падзей XX стагоддзі — развал СССР. Гэта і адбылося ва ўрачыстасць Беззаганнага Зачацця Божай Маці.

Багародзіца была зачата ад звычайных бацькоў — Ганны і Іаакіма, але на яе не перайшоў першародны грэх. Гэты дагмат прыняў Папа Пій IX 8 снежня 1854 года, зацвердзіўшы свята ў гэты дзень. Дзева Марыя па асаблівай міласці Бога ўжо ў момант уласнага зачацця была вызвалена ад першароднага граху і абаронена ад самой магчымасці грашыць. Таму за ўсё сваё жыццё яна не ўчыніла ніводнага граху.

Дарэчы, таксама ў гэты дзень, 8 снежня сімвал Дзевы Марыі стаў флагам Еўрасаюза.

Katolik.life

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі