Пастар Ганчарэнка: Хрыстос — наша адзіная надзея. У Беларусі няма іншай надзеі

0

У Мінску 19 снежня ўсе пастары цэркваў Аб’яднання поўнага Евангелля сабраліся на паркоўцы каля адабранага будынка «Новага Жыцця», каб разам павіншаваць беларусаў з Раством.

У гэты дзень вернікі запалілі чацвёртую свечку Адвэнту, якая азначае сабой хуткае прышэсце Збавіцеля.

«Надышоў сезон Нараджэння нашага Пана Ісуса Хрыста. 2000 гадоў таму Ён прыйшоў, Ён увасобіўся, каб кожнаму чалавеку на зямлі даць выратаванне і збавенне. Таму я віншую Беларусь з Народзінамі Хрыстовымі. «Не бойцеся!» — сказалі анёлы. — Мы абвяшчаем вам вялікую радасць, якая будзе ўсім людзям». Таму Раство — гэта час радавацца, любіць, гэта час дарыць падарункі. Гэты час усміхацца і праслаўляць нашага Пана Езуса Хрыста», — нагадаў епіскап Аб’яднання Леанід Вараненка, распавядае сайт  «Новага Жыцця».

«Беларусь, з надыходзячым Раством! — працягнуў пастар Вячаслаў Ганчарэнка. — І вось нашае пажаданне: каб дабраславеньне, якое прыходзіць праз народжанага Хрыста, увайшло ў ваша жыццё, у вашы дамы і гарады, у вашу краіну. Каб вялікае выратаванне прыйшло да вас ува ўсім багацці. Таму жадаем, каб Ісус Хрыстос, які варты ўсякага прыняцця, быў прыняты вамі».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
22.12.2021 Без рубрики| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты