Ва Украіне з’явілася каманда пажарніц-манахінь. На чале з ігуменняй

пожарные

Ва Украіне ў Чаркаскай вобласці 22 снежня абвесцілі аб стварэнні дабраахвотнай пажарнай каманды, у якой будуць несці службу манахіні.

Каманда пажарніц арганізаваная ў Свята-Троіцкім Матронінскім жаночым манастыры ў вёсцы Мельнікі Мядзведзеўскай сельскай тэрытарыяльнай супольнасці, распавядае  Тэлеграф.Плюс.

У склад новай пажаранай каманды ўвайшлі ігумення Іларыя, дзве паслушніцы манастыра Ларыса і Крысціна і два кіроўцы пажарнага аўтамабіля.

Каманда будзе забяспечваць пажарную бяспеку манастыра і рэагаванне на надзвычайныя абставіны.

Акром таго манахіні-добраахвотніцы будуць бараніць ад пажараў 7 вёсак і 2 мястэчкі, бо бліжэйшая пажарная частка месціцца ў 20 км ад Мядзведзеўскай сельскай супольнасці.

Манахіні-добраахвотніцы прайшлі адмысловае навучанне, падчас якіх адпрацавалі практыкаванні па баявым разгортванні, падачы вады і аказанню першай дамедычнай дапамогі пацярпелым.

 

 

 

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі