Аб’яўлены конкурс сямейнай падрыхтоўкі да Калядаў. Абяцаюць 200 прызоў

Сінадальны місіянерскі аддзел Беларускай Праваслаўнай Царквы і Дабрачынны фонд падтрымкі сям’і, мацярынства і дзяцінства «Пакроў» запрашаюць прыняць удзел у сямейным конкурсе.

Для гэтага трэба ўступіць у суполку ў Вайбер «Калядныя вакацыі разам» у мэсэнджэры Вайбер і даслаць запыт са смайлікам на нумар тэлефона +375293851609 або перайсці па СПАСЫЛЦЫ.

На працягу 14 дзён калядных канікул кожны вечар арганізатары будуць аб’яўляць творчае заданне, якое трэба будзе выканаць на працягу наступнага дня.

Заданні чакаюцца самыя разнастайныя — малюнкі, вырабы, выпечка, калядкі, удзел усёй сям’і ў чытанні ўрыўка з Евангелля аб Нараджэнні Хрыстовым і многае іншае.

Выкананае заданне трэба сфатаграфаваць ці запісаць на відэа і даслаць арганізатарам конкурсу праз Viber на нумар тэлефона +375293851609.

Лепшыя работы ў гэты ж дзень будуць размешчаны ў створаным для конкурсу суполцы Viber.

Самыя творчыя і актыўныя на працягу ўсяго конкурсу ўдзельнікі (40 сем’яў) будуць запрошаны 15 студзеня на святочны канцэрт, уручэнне дыпломаў і падарункаў і экскурсію ў Свята-Елісавецінскі манастыр горада Мінска. Яшчэ 200 найбольш старанных удзельнікаў конкурсу атрымаюць падарункі па пошце.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
27.12.2021 Абвесткі, Беларусь| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты