БПЦ настойвае на папраўках у Канстытуцыю: шлюб толькі паміж тымі, хто не мяняў пол

У праект беларускай Канстытуцыі, які зараз абмяркоўваецца, не ўвайшла фармулёўка аб сям’і, прапанаваная Беларускім экзархатам. БПЦ мае намер настойваць на ёй, патрабуючы ўключыць фармулёўку аб шлюбе як аб саюзе жанчыны і мужчыны па нараджэнні.

Некалькі тыдняў таму кіраўнік БПЦ мітрапаліт Мінскі і Заслаўскі Веніямін паведаміў, што для захавання традыцыйнай сям’і прапануецца ў заканадаўстве замацаваць вызначэнне паняцця «шлюб»: «Мы прапануем лічыць шлюбам добраахвотны саюз жанчыны і мужчыны па нараджэнні», – распавядае  «Спутник.бай».

«У грамадстве і асабліва ў маладзёжным асяроддзі атрымліваюць распаўсюджванне культ індывідуальнага дабрабыту, плынь чайлд-фры, розныя віды сужыцця і нават аднаполыя саюзы», — нагадаў кіраўнік БПЦ, прызнаўшы, што некаторыя тэмы, якія закранаюцца, не такія актуальныя цяпер для Беларусі.

У 2022 годзе спаўняецца 30 гадоў з дня першай у Беларусі аперацыі па змене полу. Штогод у Беларусі праводзіцца па 4-5 такіх аперацый. Згодна з заканадаўствам, дазвол на правядзенне кожнай з іх дае міністр аховы здароўя пасля таго, як кансіліум лекараў усталюе, што ў чалавека ёсць дыягназ «адмаўленне полу».

З таго часу ў Беларусі было зроблена больш за 100 аперацый па змене полу. Чалавеку, якому мяняюць пол, мяняюць і пашпарт, аднак ідэнтыфікацыйны нумар застаецца такім, які яму выдалі яшчэ да змены полу.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
28.12.2021 Беларусь, Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты