У Шатландыі пачалі працэс рэабілітацыі 3 тысяч жанчын-“вядзьмарак”, спаленых 400 гадоў таму

Шотландия

Ініцыявала дзяржаўны працэс рэабілітацыі каралеўскі адвакат Клэр Мітчэл. Яна лічыць, што добрае імя гэтых жанчын павінна быць адноўлена хаця б і праз 400 гадоў.

Шатландыя – адна з краін, дзе ведзьмаў пераследавалі і каралі смерцю асабліва жорстка і масава. 3223 жанчыны і 650 мужчын былі пакараныя амаль адразу пасля прыняцця «Закону аб ведзьмаўстве» ў 1563 годзе.

Два стагоддзі жанчын абвінавачвалі ў любой непрыемнасці. Дзве траціны абвінавачаных былі пакараныя або адпраўленыя на вогнішча.

Каб атрымаць паказанні, іх пазбаўлялі сну, раздушвалі або выдзіралі пазногці, або падвяргалі «выпрабаванню»: калолі іголкамі, каб паглядзець, ці будзе цеч кроў. Пратаколы допытаў расказваюць, што жанчына па імені Ліліас Адзі прызналася, што наклала на суседа заклён, каб выклікаць пахмелле, а Ісабель Янг – што лётала на шабаш у вызлядзе савы, расказвае Тэлеграф.Плюс  са спасылкай на заходнія СМІ.

Іх і тысячы іншых пакаралі смерцю, а целы спалілі і развеялі прах па ветры.

Кім былі гэтыя жанчыны насамрэч? Па адной з версій, у значнай ступені – «малымі прадпрымальнікамі». Асабліва піваварамі. Менавіта жанчыны-бровары, пераважна, удовы, вымушаныя працягнуць справу мужа, выстаўлялі ля ганку мятлу, каб паведаміць мінакам — ранішняе піва гатовае, можна ўваходзіць і набываць.

Па словах Клэр Мітчэл, шатландскае «паляванне на ведзьмаў» забрала ў пяць разоў больш жыццяў, чым у любой еўрапейскай краіне.

У якасці адкуплення брытанскія ўлады плануюць паставіць помнік ахвярам дзікунскага «палявання».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
30.12.2021 У свеце, Цікава ведаць| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты