Святару Кірылу Шолкаву далі прэмію «За духоўнае адраджэнне»

священнику Кириллу

Прэмія «За духоўнае адраджэнне» прысуджаная протаіерэю Кірылу Шолкаву — старшыні Сінадальнага аддзела па царкоўнай дабрачыннасці і сацыяльным служэнні БПЦ. Указ пра гэта падпісаў 6 студзеня Аляксандр Лукашэнка.

Узнагароду святар атрымаў за «вялікі асабісты ўзнёсак ва ўмацаванне духоўных каштоўнасцяў, самаахвярную працу ў сферы адукацыі і царкоўнай дабрачыннасці», паведамляе сайт БПЦ.

Протаіерэй Кірыл Шолкаў — настаяцель мінскага прыхода абраза Божай Маці «Усецарыца»,  што з явіўся па ініцыятыве анкалагічных хворых і медыкаў-анколагаў. З 2013 года ён з яўляецца каардынатарам Праграмы супрацоўніцтва па пытаннях дапамогі людзям з анказахворваннямі паміж БПЦ і камітэтам па ахове здароўя Мінскага гарвыканкама.

Ён аўтар сацыяльнага праекта «Дарогай Міласэрнасці — дапамога хоспісам Беларусі», ўто перамог ў 2015 годзе ў адкрытым міжнародным грантавым конкурсе «Праваслаўная ініцыятыва».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі