Кіраўнік ККББ Алег Буткевіч павіншаваў з Раством мітрапаліта Веніяміна

2021-12-24-butkevich

Старшыня Канферэнцыі Каталіцкіх Біскупаз Беларусі біскуп Віцебскі Алег Буткевіч 7 студзеня накіраваў пасланне мітрапаліту Мінскаму і Заслаўскаму Веніяміну.

У яго асобе ён павіншаваў вернікаў БПЦ са святам Раства Хрыстова.

«Свята Хрыстовага Нараджэння, як ніякае іншае, мае ў сабе моц яднання. Асаблівым чынам сёння неба яднаецца з зямлёю ў таямніцы Слова, якое «сталася целам і пасялілася між намі». Няхай Яно натхняе нас шукаць таго, што нас аб’ядноўвае, каб радасць, якую разам чэрпаем з Бэтлеемскіх ясляў, дапамагала іншым знаходзіць дарогу да Хрыста, падобна зорцы, што асвятляла шлях Мудрацам з Усходу. Няхай жа заступніцтва Прасвятой Багародзіцы і Яе праведнага Абранніка дапаможа нам захаваць гэтую радасць у цяперашні няпросты час і напоўніць сэрцы ўсіх жыхароў нашай роднай Бацькаўшчыны спакоем і адвагай перад абліччам жыццёвых выпрабаванняў», — гаворыцца ў пасланні,  паведамляе сайт  БПЦ.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі