Моладзь з салезіянскага араторыя ў Мінску запрашае на спектакль-драму «Святар»

Моладзь з салезіянскага араторыя ў Мінску разам з дарослымі праз тэатральную ігру, спеў і танец распавядуць пра жыццё, дзейнасць і мучаніцкую смерць ксяндза Уладзіслава Вячорка, салезіяніна, які ахвярна служыў вернікам у мястэчку Параф’янава на Глыбоччыне.

Прэм’ера спектакля адбудзецца 30 студзеня ў араторыі імя святога Яна Боско ў Мінску (вул. Пляханава, 28-1).

Спектакль распачнецца пасля ўрачыстай Эўхарыстыі ў мінскім касцёле святога Яна Хрысціцеля ў Серабранцы. Цэлебрацыю а 10-й гадзіне ўзначаліць арцыбіскуп эмерыт Тадэвуш Кандрусевіч.

Ксёндз Уладзіслаў Вячорэк SDB нарадзіўся 2 красавіка 1903 года ў Польшчы. Пасля школы пэўны час працаваў на шахце па здабычы каменнага вугля, пазней скончыў настаўніцкую семінарыю.

У 1924 годзе вырашыў далучыцца да салезіянскай супольнасці, і ў наступным годзе пасля падрыхтоўчага перыяду аспірату распачаў навіцыят. 26 верасня 1926 года прынёс першыя манаскія абяцанні і распачаў вучобу ў семінарыі. Пасля заканчэння курсу філасофіі 26 верасня 1929 года прынёс вечныя манаскія абяцанні і выехаў на місію ў Кітай, але па прычыне праблем са здароўем неўзабаве вярнуўся на радзіму. Святарскае пасвячэнне прыняў 21 чэрвеня 1936 года ў Кракаве, пасля чаго пэўны час працаваў катэхетам у салезіянскім цэнтры ў Вільні, а пазней такую ж пасаду заняў у рамеснай школе ў Дварцы на тэрыторыі сучаснай Беларусі. Пасля таго як савецкая ўлада ліквідавала дом у Дварцы, выехаў у Вільню і стаў кіраўніком сталярнай школы.

Адгукнуўся на просьбу арцыбіскупа Рамуальда Ялбжыкоўскага і прыняў удзел у «місіі Усход». Працаваў у Барысаве, Зембіне, Параф’янаве. 29 чэрвеня 1942 года быў арыштаваны гестапа за душпастырскую і катэхетычную дзейнасць і пасаджаны ў турму ў Беразвеччы.

Расстраляны з групай святароў і свецкіх вернікаў 4 ліпеня 1942 года ў бары каля Беразвечча.

Catholic.by

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
25.01.2022 Абвесткі, Беларусь| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты