У Мінску будзе храм у гонар Філарэта — апекуна Філарэта. Настаяцель — яго хроснік

в Минске хотят построить

У Мінску плануюць пабудаваць храм у гонар праведнага Філарэта Міласцівага – нябеснага апекуна першага Патрыяршага Экзарха усёй Беларусі мітрапаліта Філарэта (Вахрамеева).

Настаяцелем прыходу прызначаны хроснік архіпастыра — іерэй Макарый Кавалёў, паведамляе сайт БПЦ.

Амаль да самой смерці уладыка Філарэт рэгулярна служыў ў невялікімі дамавым храме ў гонар Сабора Беларускіх святых пры Мінскім епархіяльным упраўленні. Пры храме стварылася супольнасць людзей, якія ведалі яго і маліліся з ім. Яны і аб’ядналіся ў прыход праведнага Філарэта Міласцівага.

У невялікім памятным храме будзе ўвасобленае сучаснае рашэнне праекта гродзенскай Каложскай царквы. Побач пабудуюць вялікі храм у неавізантыйскім стылі.

Сёння вырашаецца пытанне пра выдзяленне зямлі для пабудовы храмаў.

 

 

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі