Царква «Новае Жыццё» год як стала «царквой без сцен»

Новая Жизнь

У Мінску 20 лютага вернікі царквы «Новае Жыццё» сабраліся на спецыяльнае вулічнае богаслужэнне, каб адзначыць асаблівую гадавіну. 17 лютага ў абшчыны аднялі памяшканне, і «Гасподзь павёў вернікаў па асаблівым шляху».

Падтрымаць і павіншаваць прыхаджан прыйшлі епіскап Леанід Вараненка, спявак Аляксандр Патліс, пастар Антоній Бокун.

«Так цудоўна глядзець на тое, што Бог робіць у вашай царкве і ў вашых жыццях. Гэта вялікае дабраславенне. Гледзячы на тое, праз што вы праходзіце, я малюся кожны дзень, заклікаючы, каб Бог ушанаваў вашу веру, вашу вернасць, ваша служэнне і пасвячэнне. І я хачу адзначыць відавочную Божую абарону над царквой. Бог заўсёды абараняе Сваё», — адзначыў епіскап Вараненка.

«Калі б нехта год таму сказаў мне, што мы будзем столькі часу збірацца на паркоўцы, я б не паверыў. Але Бог робіць рэчы, пра якія мы не думаем і на якія не разлічваем. Яго планы вышэйшыя за нашыя планы. І надзея на Яго дае нам сілы збірацца тут кожную нядзелю і заўсёды быць у Яго прысутнасці», — сказаў пастар царквы Іаана Прадцечы Антоній Бокун.

Пастар Вячаслаў Ганчарэнка нагадаў, што чалавеку нават з самым слабым голасам у абарону царквы Бог аддасць дабром, паведамляе сайт  царквы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі