У Жыровічах прайшоў злёт праваслаўнай моладзі

В Жировичах

У Мінскай духоўнай семінарыі на базе Успенскага Жыровіцкага мужчынскага манастыра з 25 па 27 лютага прайшоў зімовы злёт праваслаўнай моладзі Беларусі.

Арганізатарам злёту, удзел у якім прынялі каля 100 актывістаў з брацтваў і маладзёжных калектываў усіх епархій Беларускага Экзархата, выступіў Сінадальны аддзел па справах моладзі БПЦ і слонімскі маладзёжны клуб «Сімфонія».

У дзень адкрыцця злёту ў Трохсвяціцельскім храме семінарыі адбыўся малебен на пачатак добрай справы, які ўзначаліў выконваючы абавязкі старшыні Сінадальнага аддзела па справах моладзі іерэй Дзмітрый Баўкуновіч.

Трохдзённая праграма ўключыла гістарычны квэст, які дапамог моладзі праверыць і замацаваць атрыманыя веды падчас экскурсу ў жыццё манастыра і семінарыі, паведамляе сайт  БПЦ.

У дні злёту перад маладымі людзьмі выступалі выкладчыкі Мінскай духоўнай акадэміі, духоўнай семінарыі і духоўнага вучылішча з лекцыямі «Жыццё хрысціяніна ў сучасным свеце», «Рымскае хрысціянства I стагоддзя», «Працы апостала Паўла», «Боская Літургія свяціцеля Іаана Залатавуста».

 

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
01.03.2022 Беларусь| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты