Папа Францішак пра вайну ва Украіне: У імя Бога — спыніце гэтую бойню!
Папа Францішак назваў Марыупаль, які носіць імя Марыі, горадам-мучанікам і сімвалам страшнай вайны, якая спусташае Украіну. Яго вельмі асабісты і эмацыянальны зварот прагучаў 13 сакавіка пасля малітвы Анёл Панскі.

«Перад абліччам варварства забойства дзяцей, нявінных людзей і безабаронных мірных жыхароў не існуе стратэгічна слушных прычын: трэба спыніць недапушчальную ўзброеную агрэсію, перш чым яна ператворыць гарады ў могілкі», — адзначыў Папа, словы якога перадае Беларуская рэдакцыя парталу Vatican News.
«З болем у сэрцы я далучаюся да голасу простых людзей, якія просяць спыніць вайну. У імя Бога, пачуйце крык тых, хто пакутуе, і пакладзіце канец бамбардзіроўкам і атакам! Засяродзьцеся па-сапраўднаму і рашуча на перамовах, на эфектыўнасці і бяспечнасці гуманітарных калідораў.
У імя Бога я прашу вас: спыніце гэтую бойню!» — звярнуўся ён да тых, хто нясе адказнасць за развязаную ва Украіне вайну.
Папа Францішак таксама заклікаў да прыняцця шматлікіх бежанцаў, «у якіх прысутнічае Хрыстус», і падзякаваў за вялікую сетку салідарнасці, утвораную з пачатку вайны.
Святы Айцец папрасіў католікаў узмоцніць малітву за мір. «Бог з’яўляецца Богам міру, а не вайны, і тыя, хто падтрымлівае насілле, зневажаюць Яго імя», — падкрэсліў Папа, запрасіўшы фізічна і духоўна прысутных на плошчы святога Пятра да ціхай малітвы за тых, хто пакутуе, і за тых, хто развязаў і падтрымлівае вайну, «каб Бог навярнуў іх сэрцы да цвёрдай волі да міру».
Падобныя навіны
Апошнія навіны
- Дыяцэзіяльныя ўрачыстасці ў Тракелях пройдуць 9-10 ліпеня (+праграма) 29.06.2022 10:21
- Ва Украіне пад Валнавахай манах падарваўся на міне 27.06.2022 15:49
- Праграма прынясення каўчэга з часціцай мошчаў прападобнага Сергія Раданежскага ў Беларусь у перыяд з 27 чэрвеня па 3 ліпеня 27.06.2022 10:37
- Пра Беларусь, стэрэатыпы і духоўнасць. Batushka адкажа. Відэа 26.06.2022 08:28
- Вярхоўны суд ЗША 24 чэрвеня адмяніў рашэнне ў справе «Роў супраць Уэйда», што прызнавала аборт фундаментальным правам 25.06.2022 14:38
- У першы ў гісторыі Дзень дзядуляў і бабуль фэст у гонар святой Ганны адзначылі ў Жодзішках (фотарэпартаж)
- Маці Божая Шкаплерная зноў паклікала вернікаў у Гудагай
- У Чырвоным касцёле вернікі розных канфесій маліліся за Беларусь (фотарэпартаж)
- “Мы не пакаяліся ў злачынствах камунізму”. Фотарэпартаж з “Ланцуга пакаяння” ў Мінску
- Пад Віцебскам ушанавалі ахвяр камуністычных рэпрэсій (фотарэпартаж)
- Патрыярх Кірыл на асвячэнні Храма-помніка ў Мінску: Раптам паўстаў вораг і мірны дух знік (фотарэпартаж)
- Латвія. Рыга. Папа (фотарэпартаж)
- Сустрэча з Папам Рымскім у Літве вачыма беларусаў (фотарэпартаж)
- Юбілейная «Камяніца» сабрала людзей пад Мінскам (фотарэпартаж)