Праваслаўны святар: Далучайцеся да пакутнікаў!

Праваслаўны святар і публіцыст протаіерэй Сергій Лепін нагадаў у сваім акаўнце  ў Facebook пра дзень шанавання сарака Севастыйскіх пакутнкаў. 22 сакавіка Праваслаўная царква шануе ваяроў-храсціянаў, што прынялі пакутніцкую смерць за веру ў 320 годзе пры Лікініі ў Севастыі.

«Ад іх патрабавалі прынясення ахвяры паганскім багам. Яны адмовіліся. Тады іх загналі ў халоднае возера, а побач, на беразе, растапілі лазню — каб тыя, што адмовяцца ад Хрыста, маглі ў ёй адагрэцца. Севастыя — не Якутыя, і ад пераахалоджання там калі і паміраюць, дык паміраюць працягла. Катаванне зацягнулася да ранку. Праз пэўны час адзін з ваяроў не вытрываў. Ён з апошніх сіл выбраўся на бераг і пабег у бок лазні. Але… увайшоўшы ў яе, памёр. У вадзе засталося трыццаць дзевяць. І тут адзін з ваяроў-паганцаў, што сцярог пакутнікаў, уражаны духам сваіх хрысціянскіх калегаў, той дабрадзейнасцю, што лучыла іх у адно цэлае ў гэтыя страшныя гадзіны, абвясціў сябе хрысціянінам і, распрануўшыся, далучыўся да тых, хто стаяў у возеры. Зноў сорак!», — нагадаў святар пра подзвіг ваяроў-пакутнікаў.

Жадаючы хутчэй скончыць з усім гэтым, рымскія ваяры перабілі хрысціянам голені, а, калі і гэта не прынесла жаданага выніку — спалілі пакутнікаў зажыва.

«Падумайце, сябры, чаму да пакутнікаў, што былі ў скрайнім незайздросным становішчы, захацеў далучыцца іх вораг, а да нас, што знаходзяцца ў здароўі і ўладкаванасці (адноснай, так), часам не хочуць далучацца нават нашыя ўласныя дзеці? Гэта — не проста задача з адказам з другой старонкі падручніка. Гэта, хутчэй, размеркаванае вылічэнне. Далучайцеся!», — резюміруе святар.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
24.03.2022 Меркаванне| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты