«Альфа-курс» «Новага Жыцця» — для тых, хто ўжо верыць, але яшчэ не абраў царкву

Альфа-курс

Мінская паўнаевангельская царква «Новая Жыццё» у другі раз правяла моладзевы «Альфа-курс» — для тых, хто яшчэ не прыхаджанін, але хоча больш даведацца пра Бога.

«На яго прыходзяць тыя, хто шукае ісціну і адказы на хвалючыя пытанні жыцця. Кожны мае права на ўласную думку, на погляды, сфармаваныя атачэннем і культурным бэкграўндам. Падчас альфа-курса ўсе ўдзельнікі рассаджваюцца за ўтульны столікі. Ёсць час паразмаўляць і з’есці смачную вячэру. Запрошаны спікер дзеліцца з прысутнымі адной з жыццёва важных тэм пра Бога. Пасля ўдзельнікі за сваімі столікамі з кубкам гарбаты абмяркоўваюць тое, што пачулі. Параўноўваюць новую для сябе інфармацыю з тымі ідэямі, якія былі ў іх раней», — распавялі арганізатары курса на сайце  царквы.

У сярэдзіне курса адбываецца альфа-выезд. Загадзя абіраецца ўтульная пляцоўка за горадам, рыхтуецца праграма — з канцэртам ці капуснікам.

У «Новым Жыцці» ёсць досвед правядзення альфа-курсаў, калі царква мела ўласны будынак. Цяпер фармат змяніўся — госці збіраюцца не ў прасторнай залі, а ў невялікай кавярні.

«Папярэдні альфа-курс мы рабілі ў 2018 годзе. Тады мы арганізавалі 10 столікаў, на кожнай сустрэчы прысутнічалі каля 70 чалавек, было шмат афіцыянтаў, супрацоўнікаў. У гэты раз вырашылі правесці альфа-курс больш вузкім колам удзельнікаў. Мы пастараліся бліжэй пазнаёміцца з усімі, добра пакантактваць і даведацца пра іх жыццё. У нас 7 пастаянных гасцей. Мы не спрачаемся з іх поглядамі. Мы проста размаўляем з імі, прымаем іх такімі, як ёсць, кормім смачынымі вячэрамі ў прыемнай атмасферы. І яны пакрысе раскрываюцца. Нават тыя, хто называў сябе няверуючымі, пачалі казаць, што яны веруючы. Яны распавядаюць пра перамены ў сваім жыцці. Пра тое, што цяпер па-іншаму глядзяць на шмат якія рэчы. Тыя, хто раней лаяўся матам, перасталі гэта рабіць. Яна пачалі цікавіцца Бібліяй і маліцца», — распавяла Вета Марэцкая, адна з арганізатараў курса.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
05.04.2022 Беларусь, Навіны Супольнасці| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты