«Хацеў навесці парадак у галовах прыхаджан — у РФ святара пазбавілі сана і судзяць па артыкуле УК за «Не забі»

Баеў

У Расіі у дачыненні да дыякана царквы Іаана Прадцечы ў Кіраве, 33-гадовага Дзмітрыя Баева, узбуджана крымінальная справа па п.2 арт.207 КК РФ (Публічная распаўсюджванне заведама ілжывай інфармацыі пра выкарыстанне Узброенных Сіл Расійскай Федэрацыі).

Пра гэта паведамілі кіраўскія  СМІ са спасылкай на рэгіянальны следчы камітэт.

Па дадзеных следства, Баеў размясціў на сваёй старонцы Укантакце пасты ў падтрымку Украіны і яе войска.

Дыякан Баеў ужыў выраз  «украінскія вайскоўцы выправілі на той свет 17 тысяч 500 оркаў». Таксама ён пісаў пра вайскоўцаў РФ  «расійскія акупанты».

«Мэта была адна — даць некаторым погляд на вайну з боку Украіны і амаль усяго астатняга свету, бо дзяржаўны погляд і так усім бачны. Мэта постаў – надзея, што да блакіроўкі маёй старонкі хаця бы адзін чалавек паспее выйсці з дурмана прапаганды або хоць засумняваецца ў ёй і пачне разбірацца ў рэальным стане спраў, і навядзе парадак у сваёй галаве, калі зробіць правільныя высновы», — сказаў Баеў.

Калі віна дыякана Баева будзе даказаная, яму пагражае да 10 гадоў зняволення.

Гэта другі выпадак пазбаўлення сана святара, які выступіў у абарону запаведзі «Не забі». Раней у Разані  протаіерэй Сергій Ціткоў быў пачыслены за штат без права служэння.

Сёння ў Расіі ўзбуджана 21 крымінальная справа па артыкуле 207.3 КК РФ. Сярод фігурантаў — журналіст Аляксандр Няўзораў, блогер Вераніка Белацаркоўская, жыхар Смаленcка Уладзімір Заўялаў (устаўляў у ячэйкі для цэннікаў у краме пацыфісцкія надпісы), настаўніца Ірына Ген з Пензы (выказала меркаванне вучням, тыя данеслі на яе). Некаторыя абвінавачаныя дагэтуль праходзяць як ананімы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
09.04.2022 У свеце| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты