Вернікі з мінскай царквы «Новае Жыццё» знайшлі, як перадаць дапамогу Украіне. Будзе і новая паездка

помощь

Вернікі з мінскай поўнаевангельскай царквы «Новае Жыццё» сабралі прадукты і лекі для ўкраінцаў з памежжы. З ініцыятывай выступіла група Алены Дзянісавай, далучыліся іншыя неабыякавыя людзі.

Каб усё змясцілася, узялі напракат прычэп легкавога аўта. Загадзя дамовіліся са знаёмымі з Украіны. З імі сустрэліся на нейтральнай зоне, не пераходзячы мяжу суседняй краіны, перагрузілі прадукты і лекі ў машыну тых, хто прыехаў з украінскага боку.

У першую чаргу прадукты павезлі ў Замглайскі псіханеўралагічны інтэрнат і некалькі іншых вёсак, гаворыцца на  сайце «Новага Жыцця».

Украінцы склаі спіс патрэбных рэчаў. Гэта лекі – заспакойваючыя са снатворным эфектам, сродкі ад прастуды, ад галаўнога болю, абязбольваючыя, сродкі для апрацоўкі і лячэння ран, ад ціску, вушныя кроплі, бінты, ёд, перакіс вадароду.

«Новае Жыццё» збіраецца паўтарыць такія дастаўкі. І запрашае несці прадукты ўсіх жадаючых.

Вось спіс: сланечнікавы алей, кансервы ў бляшанках, згушчонка, мука, сухія дрожджы, соль і цукар, крупы, дзіцячая сумесь, пральны парашок, зубныя шчоткі, пасты, шампунь, падпаскі, мыла, насенне раслін і цыбуля-сявок.

Усё гэта можна несці ў нядзелю на Кавалёва, 72, званіць па нумары: +375 29 502-87-18.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
12.04.2022 Беларусь, Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты