У Рудні прайшоў Велікодны фестываль ад «Новага Жыцця»

Пасхальный фестиваль

На Вялікдзень у пасёлку Рудня блізу Мінска прайшоў пасхальны евангелізацыйны фестываль, які арганізавала служэнне «Святло Евангелля» мінскай поўнаевангельскай царквы «Новае Жыццё». Каля 70 дзяцей, а таксама бацькі некаторых, прыйшлі ў мясцовы Дом культуры на вялікодны канцэрт.

Далучыліся і дзеці з суседніх вёсак Грабёнка, Барсукі, Чарнава. Большасць іх наведвае ў Рудні нядзельную школу, некаторыя раней удзельнічалі ў хрысціянскіх праектах, арганізаваных тут «Новым Жыццём», распавядае  сайт царквы.

Дзяўчаты падрыхтавалі танец «Хай будзе святло». Апранутыя ў рэчы белага колеру, натхнёныя, сінхронныя ў сваіх рухах, яны здолелі данесці да гледачоў насамрэч светлыя эмоцыі. Маладыя людзі падрыхтавалі тэатральну пастаноўку «Гасцёўня майго сэрца», яе назва і стала назвай усяго канцэрта.

Пасля завяршэння канцэрта дзяцей чакалі поп-корн і цукровая вата, гарбата і хатнія пірагі.

А з 24 па 28 чэрвеня ў Рудні запланаваны дзіцячы летнік. Праграма і каманда пакуль фарміруецца. Далучыцца да працы ў ім можна па нумары +375 29 152-86-80.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
28.04.2022 Беларусь| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты