Няспынная малітва за Беларусь адзначыла 7-годдзе

Малітоўная ініцыятыва «Няспынная малітва за Беларусь» адзначыла 7-годдзе. Сутнасць акцыі — кожны, хто далучыўся да яе, штодня моліцца аб вызваленні і дабрабыце краіны ў пэўную гадзіну, замацаваную за сабой па раскладзе.

«Сябры, нядаўна наша Няспынная малітва адзначала сваё 7-годдзе! Сем год мы молімся за Беларусь днём і ноччу. Дзякуй за вашу трываласць і веру. Давайце зробім гадавую пераклічку з іменем і часам малітвы і падзелімся сваімі адкрыццямі, цяжкасцямі і дабраславенням», — павіншавала ўдзельнікаў з гадавінай ініцыятарка акцыі Вольга Севярынец на  старонцы Малітвы ў Facebook.

«5.00 панядзелак. Цяжка ўставаць часам і не заснуць падчас. Але гэта гадзіна нясе так шмат ласкаў!», — піша адзін з удзельнікаў акцыі.

«Нядзеля 10-11. Заўсёды бывае радасць, хоць вельмі часта даецца цяжка», — дадае яшчэ адна ўдзельніца.

«Пятніца 21.00-22.00. Часам, калі сама я занятая сустрэчамі, то прашу маю маму замяніць мяне. Мяне захапляе, што яна гэта ўспрымае так, быццам бы яе просяць выйсці на працу ці пасядзець з дзецьмі)», — распавядае хрысціянская журналістка Аксана Ючкавіч.

«Субота з 8 па 9. Часам не хапае сілаў на яе, але стараюся трымацца далей, бо зараз Беларусі малітва патрэбная як не наймацней за іншыя часы», — кажа жонка палітвязня Дзяніса Івашына Вольга.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
29.04.2022 Беларусь| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты