Абраны новы кіраўнік Рады вышэйшых настаяцеляў Беларусі

photo_2022-05-07_10-45-13

Ім стаў аблат кс. Анджэй Юхневіч.

Рада вышэйшых настаяцеляў з’яўляецца прадстаўнічым органам манаскіх Ордэнаў якія працуюць у Беларусі.

Кс. Юхневіч адназначна выказаўся супраць уварвання расійскіх войскаў ва Украіну. “Я асуджаю дзеянні беларускіх уладаў якія дазваляюць размяшчэнне акупацыйных войскаў і вядзенне баявых дзеянняў з тэрыторыі нашай краіны“, – напісаў ён 4-га сакавіка 2022.

Святар таксама падкрэсліў, што “пішучы гэтыя словы, я рызыкую быць прыцягнутым да адказнасці ў беларускім судзе, але хацеў бы, каб гэтае пярэчанне прагучала публічна”.

Кс. Юхневіч з’яўляецца настаяцелем Ордэну аблатаў у Беларусі. Працуе пробашчам у Шуміліна Віцебскай вобласці.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі