Завяршыўся пакрокавы конкурс творчых праваслаўных сем’яў

конкурс

У БПЦ падвялі вынікі творчага сямейнага праекта «Шлях ад Вялікага посту да Светлага Хрыстовага Уваскрасення разам», прымеркаванага да 1030-годдзя Праваслаўя на Беларусі.

Праект пачаўся на Масленіцу і працягнуўся да сканчэння Светлай сядзміцы. Цягам больш за два месяцы ўсе жадаючыя маглі далучыцца да ўдзелу ў конкурсах — 10 асноўных і двух дадатковых. У адмыслова створанвй супольнасці ў Viber штотыдзень з’яўлялася новае заданне, якое трэба было выканаць за 7 дзён. Удзельнікі праекта пяклі бліны на Масленіцу, рабілі лесвіцу Вялікага посту, стваралі копіі беларускіх святыняў, рабілі шпакоўні, карціны з пластыліну і шкарлупы яек.

Праект аб’яднаў больш за 180 сем’яў. Супольнасць праекта ў Viber налічвае больш за 1800 чалавек — ад маладых бацькоў з малымі да шматдзетных сем’яў, а таксама іх актыўных бабуль і дзядуль.

Усе дасланыя фотаздымкі ўключаны ў выніковыя відэапрэзентацыі, якія размешчаныя на YouTube-канале Сінадальнага місіянерскага аддзела, распавядае  сайт БПЦ.

На памяць аб праекце ўдзельнікі атрымаюць падарункі па пошце, а самыя актыўныя і творчыя 40 сем’яў запрошаныя 14 траўня на цырымонію ўзнагароджання ў Цэнтр падтрымкі сям’і, мацярынства і дзяцінства «Пакроў» у Бобруйску.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
12.05.2022 Беларусь| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты