Пастар Ганчарэнка: «Я думаю пра Марыупаль»

Гончаренко

      У Мінску 8 мая падчас набажэнства на паркоўцы поўнаевангельскай царквы «Новага Жыцця« вернікі маліліся аб тым, каб ва Украіну прыйшоў мір і каб справядлівасць перамагла.

      «Калі я думаю пра Марыупаль і пра людзей, якія ўвесь гэты час сядзелі ў падвалах, адарваныя ад знешняга свету… Мы змаглі асабіста сутыкнуцца з імі і пачуць іх гісторыі з першых вуснаў. Яны расказвалі, як думалі, што засталіся забытыя ўсімі – і Богам, і людзьмі. Усе яны перажылі вельмі глыбокую адзіноту… Таму сёння падумайце пра тых, хто праходзіць праз адзіноту і вядзе бітву з гэтым ворагам. Як вытрымліваюць іх нервы? Як спраўляецца душа з пакутамі? Калі іх краіну распінаюць, раздзіраюць на кавалкі, пакідаючы дым гарадоў з закатаванымі і забітымі людзьмі, з тысячамі бежанцаў і адчуваннем адзіноты і пакінутасці — як быццам яны больш нікому не патрэбныя. Людзі, якія страцілі сваіх родных. Толькі адчуйце іх глыбокае спусташэнне. Што думае маці, якая страціла сына? Што думаюць маленькія дзеці, бачачы, што іх бацькі згубіліся. І як пасярод сотняў кантактаў у мабільным тэлефоне і тысячы сяброў у сацсетках ты больш нікому не патрэбны, нібы кожны сам за сябе… Душа, вядома ж, напоўнена страхам. Так адчуваюць сябе мільёны людзей. І бывае, што няма ніводнага чалавека, які мог бы запоўніць адзіноту гэтай спустошанасці», — распавёў пра сваю пазіцыю пастар Ганчарэнка.

      «Ва ўсёй гэтай цемры кожны з нас павінен памятаць і ведаць, што Бог ніколі не пакідае. Ён не пакідае нават тады, калі ў цябе ёсць адчуванне адзіноты. Нягледзячы на тое, што Ісус крычаў: «Божа мой, Божа мой, для чаго ты мяне пакінуў?» — далей у Пісанні мы чытаем, што праз некаторы час Ён закрычаў «здзейснілася» і выпусціў дух. Мы бачым, што нават у самых адчайных абставінах Бог Айцец заўсёды за Ім назіраў. Напісана, што ўся зямля скаланулася. Яна скаланулася на столькі, што нават труны адчыніліся. І напісана, што святыя нябожчыкі ўваскрэслі», — рэзюмаваў духоўны лідар мінскіх хрысціян, распавядае  сайт царквы.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
13.05.2022 Беларусь| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты