У Гродне 15 мая адбыліся Каложскія ўрачыстасці

Торжества Гродненской

Яны былі прымеркаваныя да 30-годдзя адраджэння Гродзенскай праваслаўнай епархіі і 950-годдзя перанясення мошчаў святых пакутнікаў князёў Барыса і Глеба, апекуноў храма XII стагоддзя на Каложы.

Святы пачаліся з вадасвятнага малебна, які здзейсніў архіепіскап Гродзенскі і Ваўкавыскі Антоній ля Каложскага абраза Прасвятой Багародзіцы на ўваходзе ў Барысаглебскі храм, паведамляе сайт БПЦ.

Кіруючы архірэй звярнуўся да багамольцаў са словам казання, пасля чаго ўзначаліў хрэсны ход да Пакроўскага кафедральнага сабора. Удзел у шэсці прынялі настаяцелі ўсіх прыходаў Гродна, усе благачынныя Гродзенскай епархіі, праваслаўныя жыхары горада над Нёманам і паломнікі з Гродзенскага, Ваўкавыскага, Зэльвенскага, Мастоўскага, Воранаўскага, Шчучынскага, Бераставіцкага, Свіслацкага раёнаў.

Прадстаяцель БПЦ мітрапаліт Веніямін у саслужэнні архіепіскапаў Навагрудскага і Слонімскага Гурыя, Гродзенскага і Ваўкавыскага Антонія, епіскапаў Бабруйскага і Быхаўскага Серафіма, Лідскага і Смаргонскага Парфірыя здзейсніў Боскую літургію ў Свята-Пакроўскім кафедральным саборы.

Саборнае богаслужэнне наведалі настаяцельніца Раство-Багародзічнага стаўрапігіяльнага жаночага манастыра ў Гродне ігумення Гаўрыіла (Глухава) з сёстрамі манастыра, шэраг высокапастаўленых дзяржаўных чыноўнікаў.

Мітрапаліт Веніямін удастоіў святароў Гродзенскай епархіі богаслужэбна-іерархічных узнагарод.

Для пілігрымаў была наладжаная трапеза.

Як паведаміў святар Гродзенскай епархіі, экс-кіраўніка епархіі архіепіскапа Арцемія не запрасілі на ўрачыстасці з-за яго антываеннай пазіцыі ў дачыненні зносін паміж Расіяй і Украінай.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
17.05.2022 Беларусь| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты