Кіраўнік УГКЦ: Госпадзі, дыхай на Украіну!

Святаслаў УКГЦ
Мітрапаліт Святаслаў (Шаўчук)

 

Кіраўнік Украінскай Грэка-Каталіцкай Царквы мітрапаліт Святаслаў звярнуўся да сваёй паствы ў пасланнем у 116 дзень вайны.

«Цягам апошніх сутак працягваліся жорсткія баі на ўсходзе і поўдні Украіны. Самыя інтэнсіўныя вядуцца вакол Севераданецка і Лісічанска ў Лугансквй вобласці. Там вораг засяродзіш найвялікшую колькасць сваёй зброі, сваіх рэсурсаў. Учора цягам дня вельмі інтэнсіўнаму і жорсткаму ўдару з паветра падвергся Харкаў. Але Украіна стаіць. Украіна дае адпор. Украіна моліцца», — падсумаваў у сваім  відэазвароце вынікі сутак кіраўнік УГКЦ.

«Учора мы атрымалі вельмі сумныя навіны. У Данецкай вобласці падчас мінамётнага абстрэлу загінуў Арцемій Дзімід — сын нашага знакамітага святара Михала Дзіміда, першага рэктара адноўленай Львоўскай духоўнай семінарыі, і знакамітай львоўскай абразастваральніцы Іванны Крыпякевіч-Дзімід. Гэтая смерць узрушыла інтэлектуальныя і навуковыя колы Украіны», — распавёў кіраўнік УГКЦ.

«Дар прысутнасці Святога Духа значыць, што мы дыхаем штодня адно таму, што Бог дыхае на нас у Сваёй любові. Сёння просім «Госпадзі, дай нам ва Украіне адраджэнне і жыццё! Госпадзі, дыхай на нас, дыхай на Украіну! Сярод мора смерці Ты прысутнічаеш як нашая крыніца жыцця!», — заклікаў мітрапаліт Святаслаў.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі