У Жыровічах асвяцілі самы вялікі ў Беларусі звон

колокол

Мітрапаліт Веніямін асвяціў 2 ліпеня самы вялікі ў Беларусі звон, які напярэдадні быў дастаўлены ў Свята-Успенскі Жыровіцкі мужчынскі манастыр.

Пасля асвячэння звон быў узняты на часовую званіцу.

У цырымоніі ўзялі ўдзел архіепіскап Навагрудскі і Слонімскі Гурый, Дзяржсакратар Саюзнай дзяржавы Дзмітрый Мезенцаў, паведамляе  сайт БПЦ.

Мітрапаліт Веніямін распавёў, што звон выраблены ў памяць пра ўсіх суайчыннікаў, што спрыялі справе Перамогі ў вайне савецкага народа супраць нямецка-фашысцкіх захопнікаў. На ім ёсць выявы, звязаныя з памятнымі гістарычнымі месцамі, месцамі подзвігу і смутку.

Чатырнацацітонны звон быў адліты майстрамі Варонежскага звонавага завода на грошы Банка «ВТБ».

На звоне выяўленыя чатыры вялікія абразы і восем малых абразоў. Паміж імі — барэльефныя выявы дванаццаці гарадоў-герояў, а таксама Хатыні, Трасцянца і Кургана Славы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі