Беслан і мінскае метро

беслан

Апошні тыдзень інтэрнет ахапіла хваля інфармацыйных матэрыялаў з нагоды акцыі пратэсту маці Беслану – тых, чые дзеці сталіся ахвярамі бесчалавечнага тэракту. Мінула 12 год, але сваякі загінулых закладнікаў патрабуць праўды, новага расследвання, абвінавачваюць улады РФ і асабіста Пуціна ў забойстве іх дзяцей.

Так, бацькі загінулых таксама могуць памыляцца. Але гэта іх права. І гэта іх сіла і годнасць змагацца да канца ў пошуках праўды аб трагедыі.

Кажуць, што у Расеі, як у Беларусі, улады падаўляюць усе праявы нязгоды, рэпрэсуюць і журналістаў, і грамадскую супольнась. Таксама кажуць, беларуская ментальнасць, грамадства нашмат больш прасунутае, еўрапейскае, чым расейскае. Ці так гэта на самрэч?

Чым сітуацыя у Расеi адрозніваецца ад Беларускай? Вельмі паказальным ёсць рэакцыя грамадства на відавочнае злачынства супраць усяго грамадства. Зверскі тэракт у мінскім метро, як і тэракт у расейскім Беслане – не толькі асабістая трагедыя ахвяр тэракту. Гэтыя злачынствы скіраваныя не персанальна супраць ахвяраў , але супраць грамадства ў цэлым. Ахвярай тэрарызму можа стаць любы выпадковы чалавек. Таму рэакцыя грамадства на выклік тэрарызму, як рэакцыя арганізма на самаю небяспечную рану, выяўляе яго жыццяздольнасць, здольнасць абараніць жыццё.

На прыкладзе Беслану: там нават праз 12 год пасля тэракту бацькi пацярпелых дамагаюцца праўды, iх падтрымлiваюць незалежныя журналiсты.

У нас пасля тэракту ў мінскім метро нязгодным бацькам заткнулi рот, незалежная прэса хутка прыняла версiю ўлады…

Сёння незалежныя журналісты, праваабаронцы, палітыкі Расеі стаяць на баку ахвяраў тэракту Беслану. І гэта іншыя якасць грамадзянскай супольнасці Расеі ў параўнанні з беларускай. І ў гэтым нам ёсць чаму павучыцца.
У Беларусі ж усе стабiльна, спакойна… да наступнай трагедыi?..

Фота meduza.io

Меркаванні аўтараў блогаў могуць не супадаць з меркаваннем рэдакцыі Krynica.info

606e2c60a0c187d5900257c66e14f5a8[1]

Сустаршыня Беларускай Хрысціянскай Дэмакратыі. Кандыдат у Прэзідэнты Рэспублікі Беларусь на выбарах 2010 года. Нарадзіўся 3 сакавіка 1975 года ў Бабруйску. Беларус. Адукацыя вышэйшая, інжынер-будаўнік. Жанаты, мае дачку. Жыве ў Менску. Прафесійна займаецца палітыкай з 1996 года. З 1996 года – член Каардынацыйнай Рады “Беларускага аб’яднання маладых палітыкаў”. У 2002-2004 гадах — член Прэзідыўма Беларускай нацыянальнай рады моладзевых і дзіцячых грамадскіх арганізацыяў “Рада”. Адзін з распрацоўшчыкаў канцэпцыі новай моладзевай палітыкі Беларусі. У 1999 годзе навучаўся ў Германіі на курсах Вышэйшай школы дзяржаўнага кіравання ў інстытуце “Саюз грамадскага кіравання”, вывучаў эканамічнае і палітычнае ўладкаванне ФРГ. Праваслаўны хрысціянін. Адзін з кіраўнікоў кампаніі “У абарону свабоды сумлення і веравызнання у Беларусі”, у межах якой было сабрана больш за 50 тыс. подпісаў у абарону хрысціянаў.

07 верасня 2016 | Блогі | Тэгі: , ,



Блогі