Больш за палову беларусаў супраць абортаў

аборт

Амерыканскі Pew Research Center апублікаваў вынікі даследвання, праведзенага ў 34 краінах Еўропы, у тым ліку ў Беларусі.

Для мяне найбольш цікавым было стаўленне беларусаў да гэтак званых абортаў. Аказваецца, больш за палову — 54% беларусаў лічаць, што забойства дзяцей да нараджэння павінна быць забаронена ва ўсіх ці амаль усіх выпадках.

Тых, хто лічыць, што дзяцей можна легальна забіваць — 42%.

Здаецца, гэта трэнд апошніх гадоў, гэта ўплыў Царквы, якая бескампрамісна і выразна кажа, што чалавека нельга пазбаўляць жыцця.

Ці можна, аднак, спадзявацца, што беларускі прэзідэнт-папуліст ператворыць меркаванне большасці ў закон? Спадзявацца, думаю, не варта. Па-першае, мала хто гатовы рэальна змагацца за прыняццё забароны на аборты. Па-другое, голас меншай паловы, якая за права забіваць, будзе гучаць больш моцна, і медыі будуць ім даваць слова часцей, бо сярод журналістаў надта шмат прыхільнікаў права на забойства.

Але цешыць тое, што гэтыя 54%, верагодна, ніколі не стануць забіваць сваіх дзяцей, і сваім родным і знаёмым не будуць раіць гэта. І ёсць надзея, што ў іншай палітычнай сітуацыі, калі нейкім цудам на дэмакратычных выбарах БХД возьме большасць, аборты будуць забароненыя.

А што нашы вядомыя феміністкі? А яны ў блогах ужо нападаюць на пралайфераў. Людзі, якія лічаць, што дзіця нельга ўдарыць па мяккім месцы — абараняюць права забіваць дзяцей да нейкага моманту жыцця.

Меркаванні аўтараў блогаў могуць не супадаць з меркаваннем рэдакцыі Krynica.info

шыталь

журналіст, грамадскі актывіст

03 лістапада 2018 | Блогі | Тэгі: ,

Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты