Бонсцікаў трэба чым хутчэй выкінуць у сметніцу

776d92075db999bfc1378bfd13dc7403

Я напісаў у фэйсбуку пост з заклікам байкатаваць “Еўраопт” на той перыяд, пакуль у сетцы крамаў будуць раздаваць цацкі з выявамі міфічных істотаў, якія ў беларускім фальклоры асацыяваліся з дэманічнымі сіламі. Многія, нават хрысціяне, мяне не зразумелі, таму мушу ўдакладніць некалькі рэчаў.

Я не буду казаць нічога пра духоўную небяспеку гульняў з выявамі чарцей. Я даўно засвоіў, што ад усяго, што звязана з нячыстай сілай, лепш трымацца далёка, не звязвацца, не трымаць у хаце нічога, што мае дачыненне да дэманічных сілаў і справаў – і сам гэтага трымаюся. Калі чалавек пры хросце выракаецца Сатаны – то найдалей нават і з пластыкавымі чорцікамі гуляцца не павінен. Аднак разважаць пра духоўны аспект гэтага пытання пакіну святарам, асабліва тым, хто ў сваім служэнні займаецца экзарцызмам і малітвай вызвалення.

Таму буду казаць пра культуралагічны аспект. Тыя істоты, якіх Еўраопт зрабіў забаўкамі для дзяцей – гэта істоты, якіх беларусы атаясамлівалі з дэманічнымі сіламі, лічылі, што яны нясуць зло, стараліся пазбягаць. Пачытайце, калі не верыце, “Шляхціца Завальню”.

Не думаю, што называнне добрым таго, што ў традыцыі нашага народа заўсёды лічылася злым – гэта падтрыманне беларускай традыцыі. Наадварот, гэта адмова ад традыцыі, паварот яе дагары нагамі.

Калі быць паслядоўным у захаванні беларускай традыцыі – то гэтых бонсцікаў трэба чым хутчэй выкінуць у сметніцу. Мы, беларусы – нацыя з хрысціянскімі каранямі. Нашая традыцыйная культура натхнёная і прасякнутая хрысціянскай верай і мараллю. Прыязнае стаўленне да зла і дэманаў – чужое для нашай культуры.

А ёсць тут яшчэ і педадагічны аспект. Нельга малых дзяцей вучыць, што і Ісус у яслях – мілы і добры, і што чорт з балота таксама добры, смешны і вясёлы. Не ўкладзецца ў дзіцячай галаве такая канструкцыя: у жыцці дэманы злыя, але гэтыя цацкі дэманаў – гэта проста гульня, тут яны прадстаўленыя добрыя – але ў сапраўднасці яны злыя. Калі дзеці навучацца гуляцца з пластыкавымі выявамі дэманаў – то стануць думаць, што і сапраўдныя дэманы такія ж смешныя і бяскрыўдныя. А гэта ўжо рэальная небяспека.

Ёсць тут і светапоглядны аспект. Прадстаўленне істотаў, якія асацыяваліся са злом і Сатаной, добрымі і смешнымі – гэта размыванне мяжы паміж злым і добрым, паміж Богам і Д’яблам, паміж Небам і пеклам. А свядомасць існавання гэтай мяжы – гэта адна з галоўных рэчаў у хрысціянскім светпоглядзе, у еўрапейскай і беларускай культуры. А без разумення гэтай мяжы, без цвёрдага разумення таго, што паміж Богам і Д’яблам няма нічога супольнага – чалавек можа зрабіць самую трагічную, драматычную памылку свайго жыцця.

Такім чынам, новыя бонсцікі ад Еўраопта – зусім не такая бяскрыўдная рэч, як здаецца. Гэтым тэндэнцыям на культурным, светапоглядным полі трэба супрацьстаяць. І калі большасць з нас стараецца супрацівіцца прапагандзе СССР і расейскага імперыялізму – гэтаксама, і яшчэ больш настойліва, мусім супрацьстаяць рэкламе і прапагандзе дэманічнага свету.

Меркаванні аўтараў блогаў могуць не супадаць з меркаваннем рэдакцыі Krynica.info

шыталь

журналіст, грамадскі актывіст

29 жніўня 2018 | Блогі | Тэгі: ,

Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты