Чаму мы зноў маўчым?
Падатак на «дармаедства», на мой погляд, уступае ў відавочныя супярэчнасці не толькі з Канстытуцыяй, але і з Бібліяй.
Па-першае, падаткі, па прыкладзе дзесяціны, і па сваёй логіцы, можна браць толькі з даходу або прыбытку ад гаспадарчай дзейнасці. Біблія называе такую падаткаабкладаемую базу ёмістым тэрмінам: «плады зямлі тваёй». Біблія, Другі закон 26:12.
Па-другое, пад прыгнёт «ілжэдэкрэту» трапляюць людзі, якія страцілі карміцеля (удовы і сіроты), а таксама людзі, якія не маюць рэгулярнага даходу (прыхадні). Гэта адмысловая група людзей, якая не можа выступаць «донарамі» ўлады, і больш за тое, гэтыя людзі трапляюць пад прамы пратэктарат аўтарытэту самой Бібліі.
Выхад 22:22-24: «Ні ўдавы, ні сіраты ня ўціскайце; калі ж ты ўцісьнеш іх, то, калі яны залямантуюць да Мяне, Я пачую лямант іхні, і запалае гнеў Мой, і заб’ю вас мечам, і будуць жонкі вашыя ўдовамі і дзеці вашыя сіротамі».
Галоўная думка гэтага жорсткага тэксту – не чапайце слабых, бедных і маламаёмасных!
У такім кантэксце Біблія дае строгую ацэнку ўсім удзельнікам «аблавы на дармаедаў» – дэпутатам, чыноўнікамі, суддзям, падатковым інспектарам і іншым «апрычнікам»: «Князі твае – законаадступнікі і пасобнікі злодзеяў; усе яны любяць дарункі і ўгоньваюцца за грашыма; не бароняць сіраты, і гора ўдавы ня абыходзіць ім». (Ісая 1:23)
Усё гэта я прачытаў у маёй Бібліі.
Дэпутаты, у нібыта дэмакратычнай краіне, у сваёй большасці маўчаць. «Гарант» Канстытуцыі адпачывае ў Егіпце
А што вы думаеце з гэтай нагоды? А што ў вашых Бібліі напісана ў дачыненні да збірання падатку на «дармаедаў»?
Меркаванні аўтараў блогаў могуць не супадаць з меркаваннем рэдакцыі Krynica.info

Георгі Дзмітрук
Нарадзіўся 16 красавіка 1968 года, у шматдзетнай сям’і (7 дзяцей) у Кобрыне, па нацыянальнасці – беларус. Маці – лекар-стаматолаг, бацька – сталяр.
У 1985 году скончыў СШ № 7 Кобрына. Паступіў і паспяхова скончыў Віцебскае МУ па спецыяльнасці зубны тэхнік. Быў накіраваны па размеркаванні ў зону, пацярпелую ад аварыі на ЧАЭС (Столін). У 1987-1989 гадах праходзіў тэрміновую службу ў СА на Далёкаўсходняй ваенннай акрузе. Па вяртанні ў родны Кобрын працаваў у стаматалагічнай паліклініцы.
З 1992 года ўзначальваў знешнеэканамічны аддзел Міжрэгіянальнага вытворча-камерцыйнага аб’яднання “АВІЯПРОМ”. З 1993 года працаваў генеральным дырэктарам вытворча-камерцыйнай фірмы ТАА “АМЕГА”. З 2001 года – генеральны дырэктар ІП “АМЕГА СЭРВІС” карпарацыі “Текстайл Амега Инк”. З 2005 года – дырэктар Замежнага прыватнага лячэбна-аздараўленчага ўнітарнага прадпрыемства “Белгіхон Юнайтэд”. Эканаміст. Скончыў Беларускі Дзяржаўны Эканамічны Ўніверсітэт, факультэт: “Міжнародныя Эканамічныя адносіны”.
Старшыня Рэспубліканскага грамадскага аб’яднання “Хрысціянская дзелавая ініцыятыва”. Сябра Рады Еўрапейскай асацыяцыі “ЕВРОПАРТНЕРЫ” (Швейцарыя) і Сусветнай асацыяцыі падтрымкі прадпрымальніцтва “СВМС”. Удзельнік эканамічных форумаў у Швецыі, Галандыі, Італіі, Нямеччыны. Вольна валодае ангельскай мовай.
Ад моманту аднаўлення Беларускай Хрысціянскай Дэмакратыі ў 2005 годзе займае пасаду сустаршыні аргкамітэту.
Хрысціянін. Жанаты. Мае пяцёх дзяцей. Стала пражывае ў Кобрыне.
Падобныя навіны
Апошнія навіны
- Сайт Krynica.info часова спыняе сваю працу 21.09.2022 17:18
- Пастару Вячаславу Ганчарэнку штраф 100 базавых 20.09.2022 14:55
- Затрыманы Вячаслаў Ганчарэнка 20.09.2022 11:53
- Адзін з самых пазнавальных беларускіх календароў ужо ў продажы 19.09.2022 12:11
- “Стаміліся ўсё ад хлусні”. Белгарадскі мітрапаліт лічыць, што ў Расіі з-за вайны можа паўтарыцца 1917 год 19.09.2022 10:43
- «Маці Будслаўская, Маці святая…». Фотарэпартаж
- У першы ў гісторыі Дзень дзядуляў і бабуль фэст у гонар святой Ганны адзначылі ў Жодзішках (фотарэпартаж)
- Маці Божая Шкаплерная зноў паклікала вернікаў у Гудагай
- У Чырвоным касцёле вернікі розных канфесій маліліся за Беларусь (фотарэпартаж)
- Пад Віцебскам ушанавалі ахвяр камуністычных рэпрэсій (фотарэпартаж)
- Патрыярх Кірыл на асвячэнні Храма-помніка ў Мінску: Раптам паўстаў вораг і мірны дух знік (фотарэпартаж)
- Латвія. Рыга. Папа (фотарэпартаж)
- Сустрэча з Папам Рымскім у Літве вачыма беларусаў (фотарэпартаж)
- Юбілейная «Камяніца» сабрала людзей пад Мінскам (фотарэпартаж)