Чаму трэба падтрымаць Крыніцу

fc0cc162f53bdbdcbbeba45da296

Дарагія сябры (найперш, хрысціяне)! Пост пра «Крыніцу.інфо». Браты і сёстры!

Адзіны ў Беларусі міжканфесійны хрысціянскі інфармацыйны партал рэальна можа спыніць сваё існаванне. Паверце, тут збор сродкаў ідзе не на харошыя заробкі харошым людзям — а на тое, каб маладыя сем’і журналістаў «Крыніцы» не адрывалі ад сваіх дзіцячых бюджэтаў апошнія капейкі, каб аплаціць парталу хостынг, тэлефоны і нэт.

Дапамогі на «Крыніцу» не даюць — бачыце, надта хрысціянская. А многія дарослыя дзядзі, цёці, вернікі, святары, епіскапы чытаюць «Крыніцу.інфо», многія СМІ перапошчваюць, многія цэрквы радуюцца, што пра іх напісалі — «Крыніца» насамрэч важная.

Плюс да таго — 21 кастрычніка, праз месяц — 100 гадоў легендарнай «Крыніцы». Думаю, святары, якія засноўвалі «Крыніцу», сядзелі за яе ў турме, плацілі штрафы і гэтак жа шукалі капейкі, каб выдаць і разаслаць, зараз глядзяць на нас з нябёсаў.

Прашу Вашай падтрымкі для «Крыніцы.інфо», браты і сёстры! https://www.talaka.org/projects/2200/overview

Меркаванні аўтараў блогаў могуць не супадаць з меркаваннем рэдакцыі Krynica.info

sevjarynec

Павел Севярынец, нарадзіўся 30.12.1976. Беларускі пісьменнік, публіцыст, у 1997-2004 гг заснавальнік і лідэр «Маладога Фронту», з 2004 г і дагэтуль — сустаршыня партыі Беларуская Хрысьціянская Дэмакратыя. Больш як 5 гадоў адбыў у зняволенні паводле палітычных прысудаў. Аўтар кнігаў: «Ды-джэй Адраджэння», » Пакаленне Маладога Фронту», » Люблю Беларусь», «Брату», «Лісты з лесу», «Беларуская глыбіня». Лаўрэат літаратурнай прэміі імя Алеся Адамовіча (2006), прэміі імя Васіля Быкава «За свабоду думкі»(2008). Жанаты. Праваслаўны хрысціянін.
Фраза, якую не можа чуць: » Ай, няхай, і так сыдзе».
Любімая цытата: » Няхай не сумняваецца сэрца вашае; веруйце ў Бога і ў Мяне веруйце» — кажа Ісус. ( Евангелле паводле Яна, 14:1) — верш з Бібліі, пасля якога пакаяўся і прыняў Хрыста.

14 верасня 2017 | Блогі | Тэгі:



Блогі