Дубавец і прарокі

ярэмаСярод кніг, напісаных ідэолагам беларускага Адраджэння, літаратарам Сяргеем Дубаўцом ёсць, аказваецца, і прамая алюзія да старазапаветных прарокаў: кніга, выдадзеная ў 2009 годзе ў бібліятэчцы “Радыё-Свабода” “Як?”.

“Як!”(Эйха!) — 32-я частка Танаха, 6-я кніга Ктувім, частка Бібліі, Старога Запавету пад нумарам 25.

Пры перакладзе з іўрыту кніга атрымала больш вядомую негабрэйскім вернікам сваю назву – «Плач Ераміі».

Па сутнасці, Дубаўцоўскае “Як?” упісваецца ў беларускую традыцыю пазасвядомага каментара да біблейскага аналага, праз які, пры параўнанні з арыгіналам яскрава бачныя як беларускія хібы, так і беларускія здабыткі.

Сярод аналагічных пазасвядомых каментароў да біблійных аналагаў можна адзначыць кнігі: Зьніча “За мурам”, Паўла Севярынца “Люблю Беларусь” (пачатак), равесніка Дубаўца Анатоля Сыса (тэж з восені 1959 нараджэннем) “Сыс”… Ну, а калі ўжо зазірнуць у пачатак традыцыі, дык гэта будуць цалкам свядомыя “Прадмовы і пасляслоўі” Францыска Скарыны. За паўтысячагоддзі, што прайшлі пасля яго, свядомая схільнасць беларусаў каментаваць Біблію перасунулася ў пазасвядомую збольшага сферу мастацкай літаратуры, але, як бачым, застаецца і квітнее!

Карацей, дзялюся адкрыццём і рэкамендую. Божае Слова часцяком аказваецца куды бліжэй да Беларусі, чым уяўлялася ў наіўным юнацтве… Амэн.

Меркаванні аўтараў блогаў могуць не супадаць з меркаваннем рэдакцыі Krynica.info

melnik

паэт-бард, журналіст, вернік, праваслаўны

23 жніўня 2015 | Блогі | Тэгі:



Блогі