Два слупы царквы

пост-и-молитва

Прачытаў нядаўна пра тое, што для таго, каб цэрквы напаўняліся людзьмі, трэба прапаведаваць аб фінансавым росквіце – тады вы будзеце прыцягваць маладых, і аб вылячэнні – тады вы будзеце прыцягваць пажылых. Няма нічога больш далёкага ад майго ўяўлення пра хрысціянства. Людзям, мэта жыцця якіх – быць багатым і здаровым, больш за ўсё падыдзе ТАА “Гербалайф”. Я чуў, там таксама песні спяваюць на сходах, падбадзёрваюць адзін аднаго, дзеляцца сведчаннямі ўзбагачэння, а таксама таго, як “Гербалайф” дапамог людзям вылечыцца. І там значна больш багатых і здаровых!

Ёсць і іншае меркаванне – Госпад сам напоўніць царквы ў свой час, але для таго, каб людзі ў іх засталіся, трэба мець вялікую каманду спецыяльна навучаных людзей, якія будуць ўмець апекаваць ізноў прыбылых, акружаць іх любоўю і клопатам, і тады нікому не будзе хацецца сыходзіць, таму што там ім будзе добра. Дадаць сюды яшчэ гурткі па інтарэсах – і атрымаем ідэальную мадэль сельскіх клубаў, куды прыходзяць людзі з мэтай заняць як-небудзь свой вольны час.

Хочацца верыць, што не адзін я бачу царкву, поўную Духам Святым, у якую людзей прыцягвае перш за ўсё Яго прысутнасць, дзе ўсе эгацэнтрычныя матывы – багацце, здароўе, душэўная раўнавага -адлятаюць, як шалупінне, і саступаюць месца жаданню ахвярна змагацца за людскія душы з верай, што Бог не пакіне і паклапоціцца аб неабходным. Гарачае малітоўнае жыццё і адважнае дабравесце – вось два слупы такой царквы. Асноўны матыў для жыцця – падзяка Госпаду за Яго ахвяру за нас і спачуванне да нязбаўленых людзей. Гэтага цалкам дастаткова!

Меркаванні аўтараў блогаў могуць не супадаць з меркаваннем рэдакцыі Krynica.info

lukanin2

Юрыст, блогер, евангельскі хрысціянін. Самае не любімае выказванне: – Ну што ў нас за краіна! Самая любімая цытата з кнігі: Дзе Дух Гасподні, там свабода.

26 верасня 2016 | Блогі | Тэгі: ,

Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты