Фэст экскурсаводаў

мінск18-19 красавіка ў Беларусі адбудзецца VI “Фэст экскурсаводаў”. Мерапрыемства вельмі цікавае і карыснае, аб ім я і хачу распавесьці ў гэтым артыкуле.

“Фэст экскурсаводаў” прымеркаваны да  Міжнароднага дня помнікаў і мясьцінаў, які адзначаецца  ва ўсім свеце 18 красавіка па ініцыятыве ЮНЭСКА вось ужо 30 год.

“Фэст экскурсаводаў” узьнік у 2009 годзе з мэтай пазнаёміць жыхароў канкрэтных рэгіёнаў, гарадоў, вёсак, раёнаў і нават вуліц з тымі помнікамі, побач зь якімі яны жывуць і ходзяць кожны дзень. У сьвядомасці чалавека часта жыве ўпэўненасьць, што жывучы на адным месцы досыць доўга, усё пра яго ведаеш і нічога цікавага побач няма. І менавіта ў гэтым хаваецца прычына занядбанасьці шматлікіх гістарычных будынкаў. “Адкрыць вочы” мясцовым жыхарам – вось што можа паспрыяць захаваньню і адраджэньню таго ці іншага помніка!

“Фэст экскурсаводаў” – гэта шэраг бясплатных экскурсій па найцікавейшых мясьцінах, па небанальных маршрутах і тэмах, якія будуць праведзеныя на працягу 2 дзён па розных кутках Беларусі. Кожны год арганізатары Фэсту спрабуюць данесьці інфармацыю пра бясплатныя экскурсіі менавіта да жыхароў тых раёнаў і вуліц, дзе яна будзе адбывацца.

Я ўдзельнічаў у “Фэсьце” 3 разы і гэта быў вельмі каштоўны вопыт – новыя ўражаньні, працоўныя моманты, новыя людзі, якія ўпершыню завіталі на мае экскурсіі і даведаліся нешта новае для сябе і цяпер па-іншаму глядзяць на Менск, усё гэта вельмі натхняе і дае разуменьне, што праца экскурсавода – карысныя і вельмі патрэбная.

У гэтым годзе я зладжу 2 экскурсіі – “Менская Кальварыя” распавядзе менчукам аб самых старых і таямнічых з захаваўшыхся могілак нашага гораду, а экскурсія “Легенды і гісторыі старога Менску” пазнаёміць турыстаў з легендамі, гісторыямі і цікавосткамі жыцьця нашага амаль тысячагадовага Менску. Шчыра запрашаю на іх!

Меркаванні аўтараў блогаў могуць не супадаць з меркаваннем рэдакцыі Krynica.info

дзюсекаў

Каталік. Нарадзiуся у Мінску, скончыу БДПУ iмя М. Танка. Гiсторык, палiтолаг, экскурсавод. Заснавальнiк праекту дабрачынных экскурсiй па Мінску “Вандроўкi ў мінулае”.

17 красавіка 2015 | Блогі |



Блогі