Філосафы з міністэрства сацабароны

шчоткіна

Сустрэліся з прадстаўнікамі Міністэрства працы і сацыяльнай абароны. Уражанне: мы жывем у розных краінах. Чыноўнікі жывуць у краіне, у якой усё добра: заробкі і пенсіі выплачваюцца, беспрацоўе не расце. Няма жадання рэфармаваць пенсійную сістэму. Магчыма, у працаўнікоў міністэрства сапраўды ўсё добра…

Для ілюстрацыі прывяду невялікую вытрымку з дыялогу з чыноўнікам:

Намеснік міністра: «Назавіце хаця б аднаго пенсіянера, якому пасля развалу СССР не выплачвалася пенсія».

БХД: «Назавіце хоць аднаго пенсіянера (за выключэннем дзяржчыноўнікаў), якому дзяржава забяспечыла годны ўзровень жыцця на пенсіі».

Намеснік міністра: «Ну, што такое годны ўзровень жыцця? Гэта паняцце адноснае, філасофскае, гледзячы што лічыць годным узроўнем жыцця.

БХД: «Хрысціянскія дэмакраты лічаць, што годны ўзровень жыцця – гэта прыблізна такі, як у міністра сацабароны спадарыні Шчоткінай. Хай хоць бы ў два разы ніжэй, катэдж у два разы меншы, але для кожнага беларускага пенсіянера».

Намеснік міністра: «Давайце пяройдзем на іншую тэму».

Спадары міністры і іх памочнікі! Годны ўзровень жыцця для беларускіх пенсіянераў – узровень міністра-пенсіянера Шчоткінай!

Мы не хочам забраць у Марыяны Акіндзінаўны катэдж ці пазбавіць яе права на адпачынак на дарагіх курортах. Мы хочам, каб кожны беларускі пенсіянер мог жыць не горш, чым міністр сацабароны, каб ў КОЖНАГА пенсіянера былі магчымасці і дастатак хоць бы ў палову спадарыні Шчоткінай. Думаю, з такім вызначэннем годнага жыцця на пенсіі пагодзіцца кожны беларус.

І гэта не пытанне філасофіі – гэта пытанне сацыяльнай справядлівасці!

Меркаванні аўтараў блогаў могуць не супадаць з меркаваннем рэдакцыі Krynica.info

606e2c60a0c187d5900257c66e14f5a8[1]

Сустаршыня Беларускай Хрысціянскай Дэмакратыі. Кандыдат у Прэзідэнты Рэспублікі Беларусь на выбарах 2010 года. Нарадзіўся 3 сакавіка 1975 года ў Бабруйску. Беларус. Адукацыя вышэйшая, інжынер-будаўнік. Жанаты, мае дачку. Жыве ў Менску. Прафесійна займаецца палітыкай з 1996 года. З 1996 года – член Каардынацыйнай Рады “Беларускага аб’яднання маладых палітыкаў”. У 2002-2004 гадах — член Прэзідыўма Беларускай нацыянальнай рады моладзевых і дзіцячых грамадскіх арганізацыяў “Рада”. Адзін з распрацоўшчыкаў канцэпцыі новай моладзевай палітыкі Беларусі. У 1999 годзе навучаўся ў Германіі на курсах Вышэйшай школы дзяржаўнага кіравання ў інстытуце “Саюз грамадскага кіравання”, вывучаў эканамічнае і палітычнае ўладкаванне ФРГ. Праваслаўны хрысціянін. Адзін з кіраўнікоў кампаніі “У абарону свабоды сумлення і веравызнання у Беларусі”, у межах якой было сабрана больш за 50 тыс. подпісаў у абарону хрысціянаў.

23 траўня 2016 | Блогі | Тэгі: ,



Блогі